<p style="text-align: justify; "> </p> <p style="text-align: justify; ">কলফুল এবিধ উৎকৃষ্টি পাচলি। কলফুলে বিভিন্ন ৰোগ দূৰ কৰে। শৰীৰত শক্তি যোগায়। ভিটামিন, আয়ৰণ, আৰু খনিজ গুণেৰে ই চিৰসমৃদ্ধ। সকলো কলফুলেই উপাদেয় যদিও আঠিয়া কলৰ কলডিল সকলোতকৈ উত্তম। ইয়াৰ ব্যঞ্জনৰ সোৱাদেই বেলেগ। জাহাজী, চেনিচম্পা, ৰামকল, বগীমুনিহা প্ৰভূতি কলৰ কলডিল পাচলি কৰি খাব পাৰি। ই ৰোগীৰ পথ্য। সকলো ৰোগতে ইয়াক খাব পাৰি। শৰীৰত তেজ পৰিষ্কাৰ হৈ থাকিলে ৰোগ আক্ৰমণ কৰিব নোৱাৰে। সেয়েহে কলফুলৰ পাচলি নাখাই নাথাকিব। ই হৃদৰোগৰ মহৌষধ তথা হৃদপিণ্ড পৰিষ্কাৰ কৰে। ই ঔষধি গুণেৰে সমৃদ্ধ। কলফুল আয়ৰণেৰে চিৰসমৃদ্ধ। ৰক্তৰ মূল চালিকা শক্তি হ’ল হিম’গ্লবিন।</p> <p style="text-align: justify; ">কলডিল প্ৰ’টিন, কেলচিয়াম, কাৰ্ব’হাইড্ৰেট, গন্ধক, ফেট, পটাচিয়াম, ৰিব’ফ্লোৰিন, ভিটামিন চি আৰু আয়ামিনৰে সমৃদ্ধ।</p> <p style="text-align: justify; ">*নিয়মিত ৰূপে কলফুল খালে মধুমেহ ৰোগ নিয়ন্ত্ৰণত থাকে।</p> <p style="text-align: justify; ">*হাৰ্ট পৰিষ্কাৰ কৰণৰ বাবে কলডিলৰ ব্যঞ্জন উপকাৰী।</p> <p style="text-align: justify; ">*কটা-ছিঙাত কলফুলৰ ব্যঞ্জন খালৰ সোনকালে শুকায়।</p> <p style="text-align: justify; ">*সংক্ৰমণ হ্ৰাস কৰে। ঋতু পৰিৱৰ্তনৰ সময়ত কলফুল খালে সংক্ৰমণৰ আশংকা হ্ৰাস পায়।</p> <p style="text-align: justify; ">*গৰ্ভাৱস্থাত কলফুল খালে স্তনত দুগ্ধ বাঢ়ে।</p> <p style="text-align: justify; ">*অৱসাদ আৰু উৎকন্ঠা নিবাৰণ কৰে।</p> <p style="text-align: justify; ">হালধি, শুকান জলকীয়া গুড়ি আৰু জিৰাৰে কলফুল খালে জৰায়ু সবল হয়।</p> <p style="text-align: justify; ">*কলফুলৰ ব্যঞ্জনত অকণমান গাখীৰ দিলে ব্যঞ্জনখন বৰ তৃপ্তিদায়ক হয়।</p> <p style="text-align: justify; ">*কলফুল খালে হৃদপিণ্ড সুস্থ আৰু সবল হৈ থাকে।</p> <p style="text-align: justify; ">*ফলফুল টেনিন, ফ্লেভনয়েদ আৰু এন্টি অক্সিডেন্ট উপাদানেৰে পৰিপূৰ্ণ।</p> <p style="text-align: justify; ">*ওজন হ্ৰাস কৰে। হজম শক্তি বাঢ়ে। ইয়াৰ চালাড আৰু চূপ খাব পাৰি।</p> <p style="text-align: justify; ">*ৰুচিকৰ তথা তৃপ্তিকৰ ব্যঞ্জন।</p> <p style="text-align: justify; "><b><i>লেখক: নুৰুদ্দিন আহমেদ(অসম বাণী)</i></b></p> <p style="text-align: justify; "> </p>