<p style="text-align: justify; "> </p> <p style="text-align: justify; ">দৈনন্দিন খাদ্যপ্ৰণালীত কঠালৰ ফল আৰু ইয়াৰ তৰকাৰী খাই মানুহে বহুত ভাল পায় আৰু কোনো সন্দেহ নোহোৱাকৈ এইবোৰ বহুখিনি সোৱাদযুক্ত আৰু ৰুচিকৰ হয় । যিদৰে কঠালৰ গুণাগুণসমূহ স্বাস্থ্যৰ লগত জড়িত হৈ আছে, সেইদৰে ইয়াৰ বীজ অৰ্থাৎ গুটিবোৰো পুষ্টিকৰ গুণেৰে সমৃদ্ধ এক উত্তম আহাৰ বুলি সৰ্বজনবিদিত । সাধাৰণতে কঠালৰ গুটিসমূহ মানুহে দাইলত দি অথবা পিটিকা কৰি খোৱা দেখা যায় ।</p> <h3 style="text-align: justify; ">জানো আহক কঠালৰ গুটিসমূহৰ পাঁচটা বিশেষ গুণাগুণ সম্পৰ্কে -</h3> <p style="text-align: justify; ">(১) কঠালৰ বীজত ডাইট্ৰি ফাইবাৰ প্ৰচুৰ পৰিমাণে থাকে আৰু কেলৰি কম পৰিমাণে পোৱা যায়, যাৰ ফলত ই ওজন হ্ৰাস কৰাত সহায়ক হয় ।</p> <p style="text-align: justify; ">(২) কঠালৰ বীজত মেগনেচিয়াম, মেংগানিজৰ দৰে পোষক তত্ব অধিক পৰিমাণে পোৱা যায়, যি হাড়বিলাকত হোৱা কেলচিয়ামৰ অৱশোষণত সহায়ক হয় । লগতে ই শৰীৰৰ ৰক্ত সঞ্চালন প্ৰক্ৰিয়া সুচল কৰি তোলাত সহায় কৰে ।</p> <p style="text-align: justify; ">(৩) কঠালৰ বীজত ষ্টাৰছ পোৱা যায়, যি অামাৰ শৰীৰক শক্তি প্ৰদান কৰে । শক্তিৰ বাবে ই এবিধ সুন্দৰ উৎস, যি সোৱাদযুক্তও হয় ।</p> <p style="text-align: justify; ">(৪) কঠালৰ বীজত এণ্টি অক্সিডেণ্ট যথেষ্ট পৰিমাণে পোৱা যায়, যি বৰ্ধিত বয়সৰ গতি মন্থৰ কৰাৰ লগতে আপোনাক অৱসাদ মুক্ত কৰি ৰখাত যথেষ্টখিনি সহায়ক হয় ।</p> <p style="text-align: justify; ">(৫) কঠালৰ বীজত লিগ্নেন্ছ, আইছফলেবন্ছ, চেপনিন্ছ তথা অন্য লাভজনক ফাইটনিউট্ৰিয়েন্ছ পোৱা যায়, যি শাৰীৰিক তথা মানসিক স্বাস্থ্যৰ বাবে উপকাৰী ।</p> <p style="text-align: justify; "><b><i>লেখক- ৰিদিপ ৰঞ্জন চেতিয়া</i></b></p>