<p style="text-align: justify; "> </p> <p style="text-align: justify; ">ইয়াত থকা লাগতিয়াল তত্বসমূহ কি কি ?</p> <p style="text-align: justify; ">১০০গ্ৰাম ঔটেঙাৰ ফলৰ খাদ্যমূল্য এনেধৰণৰ –</p> <p style="text-align: justify; ">*কেলৰি : ৫৯ কিলো কেলৰি,</p> <p style="text-align: justify; ">*৮ শতাংশ প্ৰটিন,</p> <p style="text-align: justify; ">*২-৫ শতাংশ ফাইবাৰ,</p> <p style="text-align: justify; ">*৩-৫ শতাংশ ছাই,</p> <p style="text-align: justify; ">*১৬ মিলিগ্ৰাম কেলচিয়াম,</p> <p style="text-align: justify; ">*২৬ মিলিগ্ৰাম ফচফৰাচ,</p> <p style="text-align: justify; ">*৪ মিলিগ্ৰাম ভিটামিন-চি৷</p> <p style="text-align: justify; ">ইয়াৰ ওপৰিও থাকে ভিটামিন-বি, থায়ামিন, ৰাইবোফ্লেভিন আৰু বিটা-কেৰটিন৷</p> <h3 style="text-align: justify; ">ঔটেঙাৰ উপযোগী গুণসমূহ –</h3> <p style="text-align: justify; ">কেইবাখনো আন্ত:ৰাষ্ট্ৰীয় শোধপত্ৰত প্ৰকাশ পোৱা তথ্য মতে ঔটেঙাৰ অন্তৰ্নিহিত গুণৰ ভিতৰত উল্লেখযোগ্য হ’ল-</p> <p style="text-align: justify; ">১)ডায়েবটিজৰ নিয়ন্ত্ৰণত সহায়ক – ইতিমধ্যে বজাৰত ঔটেঙাৰ পাউদাৰ এই উদ্দেশ্যে উপলব্ধ হৈছে বুলি জনা গৈছে৷</p> <p style="text-align: justify; ">২)বীজানুনাশক গুণযুক্ত– এন্টিচেপ্টিক আৰু এন্টিভাইৰেল গুণযুক্ত বাবে অসমীয়া লোকবিশ্বাসমতে ঔটেঙা আৰু ইয়াৰ পাত শোৱনি কোঠাৰ বিচনাৰ তলত দি থোৱা হয় যাতে বসন্ত বা আন সংক্ৰামক ব্যাধি নিয়ন্ত্ৰণত থাকে৷</p> <p style="text-align: justify; ">৩)লিউকেমিয়াৰ দৰে গুৰুতৰ ৰোগ নিয়ন্ত্ৰণৰ ক্ষমতাযুক্ত৷</p> <p style="text-align: justify; ">৪)কীটনাশক গুণ : ঔটেঙাৰৰ পাত বা পাহি চতিয়াই থলে ধানৰ ভঁৰালত কীট-পতংগ নহয় আৰু এন্দুৰ, নিগনি আতৰ হয় ৷</p> <p style="text-align: justify; ">খাদ্যৰ বাহিৰে আন সচৰাচৰ কিছুমান ব্যৱহাৰ তলত উল্লেখ কৰিলোঁ –</p> <p style="text-align: justify; ">আয়ুৰ্বেদৰ মতে পেটৰ বিষ, ডায়েৰিয়া, ভাগৰ, স্নায়বিক দুৰ্বলতা জনিত ৰোগৰ চিকিৎসাত প্ৰয়োগ হয়৷ চুলি সৰা, উফিৰ বাবে ঔটেঙাৰ বীজেৰ মূৰ ধুলে আৰোগ্য হয়৷ চাবনৰ পৰিবৰ্তে ঔটেঙাৰ বীজ ব্যৱহাৰ কৰিব পাৰি৷</p> <p style="text-align: justify; "><strong><i>লেখক: ডাঃ ভূপেন শইকীয়া</i></strong></p>