<div id="MiddleColumn_internal"> <h3>కుష్ఠు వ్యాధిగా ఎప్పుడు అనుమానించాలి :</h3> <ol> <li>శరీరముపై పాలిపోయిన లేదా రాగి రంగు మచ్చలు ఉన్నప్పుడు</li> <li>ఆ మచ్చలపై స్పర్శజ్ఞానము లేనపుడు మరియు నొప్పి తెలియనపుడు</li> <li>శరీరమందు ముఖ్యంగా పాదములు, చేతులు, వ్రేళ్లు తిమ్మెరలు ఉన్నప్పుడు</li> <li>చర్మం దళసరిగా ఉన్నప్పుడు</li> <li>చర్మము ముఖ్యంగా ముఖం నూనె రాసినట్లు నిగనిగలాడుతూ కన్పించినపుడు ఈ వ్యాధిగా అనుమానించాలి.</li> </ol> <h3>కుష్టు వ్యాధి ఎందుకు వస్తుంది :</h3> <ol> <li>కుష్ఠువ్యాధి ఇతర అంటు వ్యాధులవలె సూక్ష్మ క్రిమి, ఇది మైక్రో బాక్టీరియల్ ద్వారా సంక్రమించు ఒక అంటు వ్యాధి.</li> <li>1873వ సం.లోనే హన్ సన్ అను నార్వే శాస్త్రవేత్త ఈ వ్యాధి కారకమైన సూక్ష్మ జీవిని సూక్ష్మ దర్శనితో కనుగొన్నాడు.</li> <li>ఈ వ్యాధి, వ్యాధి గ్రస్తుని నుండి గాలి ద్వారా, సన్నిహిత సాన్నిధ్యం ద్వారా ఇతరులకు వ్యాపిస్తుంది.</li> </ol> <h3>కుష్టు వ్యాధిగ్రస్తులు చేయవలసినదేమిటి:</h3> <ol> <li>కుష్ఠు వ్యాధిగా అనుమానించిన వెంటనే సమీపంలో కుష్ఠు వ్యాధి నిర్మూలనా కేంద్రంలో చూపించుకోవాలి</li> <li>వెంటనే వైద్యం ప్రారంభించండి</li> <li>వ్యాధి తీవ్రతను అనుసరించి 6 నెలలు లేదా 12 నెలలు సక్రమంగా మందులు సేవించండి</li> <li>వ్యాధిని దాచవద్దు, ఇతర అనుమానితులను కూడా వైద్యుని దగ్గరకు వెళ్ళుటకు ప్రోత్సహించండి</li> </ol> <h3>కుష్టువ్యాధి నయమౌతుందా :</h3> <ol> <li>బహుళ ఔషధ (మల్టీడ్రగ్) చికిత్స కుష్ఠు వ్యాధికి ఒక నమ్మకమైన చికిత్స,</li> <li>ఈ చికిత్సతో వ్యాధి ఏ దశలోనైనా నయమవుతుంది</li> <li>ప్రారంభ దశయందే గుర్తించి సరైన చికిత్స సక్రమంగా తీసుకుంటే అంగవైకల్యం కూడా నివారించవచ్చు</li> </ol> <h3>కుష్టువ్యాధి గురించి వ్యక్తిగత బాధ్యతలేమిటి :</h3> <ol> <li>శిక్షణ పొంది, మీ విజ్ఞానమును బంధుమిత్రులతో పాలుపంచుకొని వాస్తవ విషయాల గురించి చర్చించండి</li> <li>ఎవరిలోనైనా కుష్ఠు వ్యాధి యొక్క ప్రారంభ చిహ్నములను గమనించినా, వారిని వెంటనే వైధ్య పరీక్షకు ప్రోత్సహించండి</li> <li>కుటుంబ సభ్యులకు, ఇతరులకు కుష్ఠు రోగులను బహిష్కరించకుండా ఉండుటకు సరైన శిక్షణ, అవగాహన కల్పించండి</li> <li>కుష్ఠు రోగులను కుటుంబంలోనూ, సంఘంలోనూ ఆదరణతో చూడండి మరియు వారు సంతోషముతో, ఆరోగ్యదాయకమైన జీవితం గడుపుటకు సహాయం చేయండి</li> <li>చదువు సంధ్యలయందు, ఉద్యోగ వివాహములందు కుష్ఠు రోగులకు, వారి పిల్లలకూ, సమానంగా అవకాశాలు కల్పించండి</li> </ol> <p class="content-source"><b><i>ఆధారము: </i></b>పోర్టల్ విషయ రచన సభ్యులు</p> </div>