<div id="MiddleColumn_internal"> <p style="text-align: justify; ">തോളുകളുടെയും ഇടുപ്പുകളുടെയും പ്രവര്ത്തനശേഷി വളരെക്കുറയ്ക്കുന്നു. ഈ വിഭാഗത്തില് ആങ്കൈലോസിങ് സ്പോന്ഡിലൈറ്റിസ് ആണ് സാധാരണയായി കണ്ടുവരുന്ന വാതരോഗം.</p> <p style="text-align: justify; ">ഒരു കൂട്ടം വാതരോഗങ്ങളുടെ പേരാണ് സ്പോണ്ണ്ടൈലോ ആര്ത്രൈറ്റിസ്. നട്ടെല്ലിനെ ബാധിക്കുന്നതിനാല് ഇതു മറ്റു വാതരോഗങ്ങളില്നിന്നും വ്യത്യസ്തമാണ്. ഈ അസുഖം കാലുകളുടെയും കൈകളുടെയും സന്ധികളെ ബാധിച്ചെന്നു വരാം. ചര്മ്മം, ആമാശയം, കണ്ണ് എന്നീ അവയവങ്ങളെയും ബാധിക്കാം.</p> <h3 class="text-orange" style="text-align: justify; ">രോഗലക്ഷണങ്ങള്</h3> <p style="text-align: justify; "><br /><span>ഈ രോഗം പ്രധാനമായും രണ്ടു രീതിയില് രോഗികളില് പ്രത്യക്ഷപ്പെടുന്നു. </span><br /><span>1. നട്ടെല്ലില് വേദനയും പിരിമുറുക്കവും ഉണ്ടാക്കുന്നു. ചില വകഭേദങ്ങള് കാലുകളിലെയും കൈകളിലേയും സന്ധികളില് വേദനയും നീര്ക്കെട്ടും ഉണ്ടാക്കുന്നു. </span><br /><span>2. എല്ലുകളുടെ തകര്ച്ചയ്ക്ക് കാരണമാകാം. അതുവഴി നട്ടെല്ലിന്റെ രൂപത്തിലും ഘടനയിലും വികൃതമാക്കുന്നു. തോളുകളുടെയും ഇടുപ്പുകളുടെയും പ്രവര്ത്തനശേഷി വളരെക്കുറയ്ക്കുന്നു. ഈ വിഭാഗത്തില് ആങ്കൈലോസിങ് സ്പോന്ഡിലൈറ്റിസ് ആണ് സാധാരണയായി കണ്ടുവരുന്ന വാതരോഗം. ഈ അസുഖം പ്രധാനമായി നട്ടെല്ലുകളെ ബാധിക്കുന്നു.</span></p> <h3 class="text-orange" style="text-align: justify; ">കാരണങ്ങള്</h3> <p style="text-align: justify; "><br /><span>ആങ്കൈലോസിങ് സ്പോണ്ണ്ടിലൈറ്റിസ് പാരമ്പര്യമായാണ് ഉണ്ടാകുന്നത്. പലതരം ജീനുകള് ഈ അസുഖം ഉണ്ടാകാന് കാരണമാകുന്നു. മുപ്പത് തരം ജീനുകള് രോഗകാരണമായി ഇതുവരെ കണ്ടുപിടിച്ചിട്ടുണ്ട്. പ്രധാനമായി ഈ അസുഖമുണ്ടാകുന്ന ജീന് എച്ച് എല് എ ബി 27 ആണ്.</span></p> <p style="text-align: justify; ">എന്ററോപ്പതിക് ആര്ത്രൈറ്റിസ് ഈ കൂട്ടം അസുഖങ്ങളിലെ മറ്റൊരു തരം വാതരോഗമാണ്. ആമാശയത്തെ ബാധിക്കുന്ന രണ്ടുതരം അസുഖങ്ങളാണ് ഈ വാതരോഗം ഉണ്ടാകാന് കാരണമാകുന്നത്.</p> <p style="text-align: justify; ">1. അള്സെറേറ്റീവ് കൊളൈറ്റിസ് <br />2. ക്രോണ്സ് ഡിസീസ് <br />എച്ച്. എല്. എ ബി 27 ജീന് ഉള്ളവരിലാണ് ഈ വാതരോഗം കൂടുതലായി കണ്ടുവരുന്നത്.</p> <h3 class="text-orange" style="text-align: justify; ">രോഗ നിര്ണയം</h3> <p style="text-align: justify; "><br /><span>ആങ്കൈലോസിങ് സ്പോണ്ണ്ടിലൈറ്റിസ് സാധാരണയായി കൗമാരപ്രായത്തിലും ഇരുപതുകളിലും തുടങ്ങുന്നു. സ്ത്രീകളെ അപേക്ഷിച്ച് പുരുഷന്മാരില് ഈ അസുഖം ഉണ്ടാകാനുള്ള സാധ്യത കൂടുതലാണ്. അസുഖം ബാധിച്ച വ്യക്തിയുടെ കുടുംബാംഗങ്ങള്ക്ക് അസുഖം വരാനുള്ള സാധ്യത കൂടുതലാണ്. </span><br /><span>ശരിയായ രോഗനിര്ണയത്തിനു വേണ്ടി ഒരു റുമറ്റോളജിസ്റ്റിനെ കണ്ട് വിശദമായ പരിശോധന നടത്തേണ്ടത് രോഗസാധ്യതയുള്ളവര്ക്ക് ആവശ്യമാണ്.</span></p> <p style="text-align: justify; ">രക്തപരിശോധന, എക്സറേ എന്നിവ ഡോക്ടര് നിര്ദേശിച്ചെന്നു വരാം. എക്സറേയിലൂടെ രോഗനിര്ണയത്തിനാവശ്യമായ വിശദാംശങ്ങള് ലഭ്യമാകുന്നില്ലെങ്കില്, ഡോക്ടര് എം. ആര്. ഐ സ്കാന് നിര്ദേശിക്കാന് സാധ്യതയുണ്ട്. എം. ആര്.ഐ സ്കാന് സന്ധികളെ കുറച്ചുകൂടി വിശദമായി പഠിക്കാന് സഹായിക്കും. വാതം തുടങ്ങുന്ന സന്ദര്ഭങ്ങളില് വരുന്ന നേരിയ മാറ്റങ്ങളെ എം. ആര്. ഐ സ്കാനില് തിരിച്ചറിയാന് സാധിക്കുന്നു.</p> <p style="text-align: justify; ">രക്തപരിശോധനയില് എച്ച്. എല്. എ ബി 27 എന്ന ടെസ്റ്റിനു ആവശ്യപ്പെട്ടെന്നു വരാം. ഈ ടെസ്റ്റ് മാത്രം പോസിറ്റീവ് ആയി വന്നാല് അസുഖമുണ്ടെന്നു സ്ഥിരീകരിക്കാനാകില്ല. എന്നാല് വ്യക്തമായ ലക്ഷണമുള്ളവരില് ഈ ടെസ്റ്റ് പോസിറ്റീവാണെങ്കില് ഇതു രോഗമുണ്ടെന്നുള്ളതിന്റെ സൂചനയാണ്. മാത്രമല്ല, അസുഖത്തിന്റെ ചില ലക്ഷണങ്ങളുമായി എച്ച്. എല്. എ ബി 27 എന്ന ജീനിന് ബന്ധമുണ്ട്.</p> <p style="text-align: justify; "><span> </span></p> <h3 class="text-orange" style="text-align: justify; ">ചികിത്സ</h3> <p style="text-align: justify; "><br /><span>ഫിസിയോതെറാപ്പി, വ്യായാമം എന്നിവ ചികിത്സയുടെ പ്രധാന ഘടകങ്ങളാണ്. വ്യായാമം നട്ടെല്ലിന്റെ പ്രവര്ത്തനശേഷി നിലനിര്ത്താനും ചലനക്ഷമത കൂട്ടാനും സഹായിക്കുന്നു. വാതം ചികിത്സിക്കാന് പലതരം മരുന്നുകളുണ്ട്. സന്ധികളിലെ വേദനയും നീര്ക്കെട്ടും കുറയ്ക്കാന് ഇവ സഹായിക്കുന്നു.</span></p> <p style="text-align: justify; ">ബയോളജിക് ഇന്റക്റ്റോ ണിക്സ് എന്നു വിശേഷിപ്പിക്കുന്ന ചികിത്സാ രീതി ഈ അസുഖത്തിന്റെ ചികിത്സ രീതിയില് തന്നെ വലിയ വിപ്ലവം ഉണ്ടാക്കി. ഈ അസുഖം ബാധിച്ച നിസഹായരായ രോഗികളെ പലരേയും ജീവിതത്തിലേക്ക് തിരിച്ചുകൊണ്ടുവരാന് ഈ മരുന്നുകള്ക്ക് സാധിച്ചു. എന്നാല് ഇവ സൂക്ഷ്മമായി ഉപയോഗിക്കേണ്ടതുകൊണ്ട് ഒരു റുമറ്റോളജിസ്റ്റിന്റെ നിര്ദേശപ്രകാരം മാത്രം മരുന്നുകള് സ്വീകരിക്കേണ്ടതുണ്ട്.</p> <h3 class="text-orange" style="text-align: justify; ">മറ്റു പ്രതിഫലനങ്ങള്</h3> <p style="text-align: justify; "><br /><strong>അസ്ഥിക്ഷയം </strong>: - <br />അന്പത് ശതമാനം ആങ്കൈലോസിങ് സ്പോണ്ണ്ടിലോസിസ് ബാധിച്ച രോഗികളിലും അസ്ഥിക്ഷയം ഉണ്ടാകുന്നു. അസ്ഥിക്ഷയം നട്ടെല്ലില് വിള്ളലുണ്ടാകാന് കാരണമായേക്കാം.</p> <p style="text-align: justify; "><strong>യുവിഐറ്റിസ് :</strong> - <br />കണ്ണുകളില് വേദനയും ചുവപ്പുമായി പ്രത്യക്ഷപ്പെടുന്ന കണ്ണിന്റെ ഈ അവസ്ഥ 40 ശതമാനം സ്പോന്ഡിലോ ആര്ത്രൈറ്റിസ് രോഗികളില് കണ്ടുവരു <br />ന്നു.</p> <p style="text-align: justify; ">a. ഹൃദയവാല്വുകളില് വാല്വുലൈറ്റിസ് ഉണ്ടാകാം.</p> <p style="text-align: justify; ">b. ആമാശയത്തെയും അസുഖം ബാധിച്ചെന്നു വരാം.</p> <p style="text-align: justify; "> </p> <p class="text-purple" style="text-align: justify; "><strong>ഡോ. ഏബ്രഹാം മോഹന് <br />റുമറ്റോളജിസ്റ്റ് <br />കാരിത്താസ് ഹോസ്പിറ്റല്, കോട്ടയം</strong></p> </div>