<div id="MiddleColumn_internal"> <p style="text-align: justify; ">ഒക്ടോബർ 12 ലോകമെങ്ങും ആർത്രൈറ്റിസ് ദിനമായി ആചരിക്കുകയാണ്. കൈകാൽ വേദന, തരിപ്പ്, മരവിപ്പ്, പനി എന്നിങ്ങനെ നിസാരമെന്ന് തോന്നുന്ന കാര്യങ്ങളെല്ലാം ഒരു പക്ഷേ ആർത്രൈറ്റിസ് അഥവാ വാദത്തിന്റെ ലക്ഷണങ്ങളാകാം.</p> <p style="text-align: justify; ">കുട്ടുകളെന്നോ മുതിർന്നവരെന്നോ പ്രായവ്യത്യാസമില്ലാതെ ആർക്ക് വേണമെങ്കിലും വരാവുന്ന അസുഖമാണ് വാദം. എന്നാൽ സ്ത്രീകളിലും ചെറുപ്പക്കാരിലുമാണ് ഇത് കൂടുതൽ കാണുന്നത്.</p> <h3 style="text-align: start; "><b style="text-align: start; ">എന്താണ് ആർത്രൈറ്റിസ് ?</b></h3> <p style="text-align: justify; ">മനുഷ്യശരീരത്തിലെ ഒന്നോ അതിലധികമോ സന്ധികളിൽ ഉണ്ടാവുന്ന വീക്കമാണ് സന്ധിവാതം അഥവാ ആർത്രൈറ്റിസ്. ഇതു മൂലം സന്ധികളിൽ വേദനയും നീരുമുണ്ടാകുകയും ഇതേ അവസ്ഥ ദീർഘകാലം തുടർന്നാൽ സന്ധികൾ ചലിപ്പിക്കാനാവാതെ ഉറച്ചുപോവുകയും ചെയ്യുന്നു.</p> <p style="text-align: justify; "><img title="" alt="" width="547" height="307" class="image-inline" src="https://static.vikaspedia.in/media_vikaspedia/ml/images/health/d30d17d19d4dd19d33d41d02-d2ad4dd30d36d4dd28d19d4dd19d33d41d02/d38d3ed02d15d4dd30d2ed3fd15d2ed32d4dd32d3ed24d4dd24-d30d17d19d4dd19d33d4d200d/d05d38d4dd25d3fd15d33d4d200d/symptomsandtreatmentforarthritis1.jpg" /></p> <h3><b>എങ്ങനെ കണ്ടെത്താം ?</b></h3> <p style="text-align: justify; ">രക്ത പരിശോധന, എക്സ്റേ, സിടി സ്കാൻ, എംആർഐ എന്നിവയിലൂടെ സന്ധിവാദം കണ്ടെത്താം.</p> <p style="text-align: justify; "><img class="image-inline" height="302" src="https://static.vikaspedia.in/media_vikaspedia/ml/images/health/d30d17d19d4dd19d33d41d02-d2ad4dd30d36d4dd28d19d4dd19d33d41d02/d38d3ed02d15d4dd30d2ed3fd15d2ed32d4dd32d3ed24d4dd24-d30d17d19d4dd19d33d4d200d/d05d38d4dd25d3fd15d33d4d200d/arthritickneexray.png" width="545" /></p> <h3><b>ലക്ഷണങ്ങൾ</b></h3> <p style="text-align: justify; ">നൂറിൽപ്പരം സന്ധിവാദങ്ങൾ കണ്ടുപിടിക്കപ്പെട്ടുണ്ട്. റുമറ്റോയിഡ് ആർത്രൈറ്റിസ്, ഓസ്റ്റിയോ ആർത്രൈറ്റിസ് എന്നിവയാണ് സ്ഥിരമായി കണ്ടുവരുന്നത്. ഏത് തരം വാദമാണെങ്കിൽ തന്നെയും താഴെ പറയുന്ന ലക്ഷണങ്ങൾ ഉണ്ടാകും.</p> <ul style="text-align: justify; "> <li>സന്ധികളിൽ ഉണ്ടാകുന്ന വേദന, നീർവീക്കം</li> <li>സന്ധികൾ സ്വയമേ ചലിപ്പിക്കുവാൻ സാധിക്കാതെ വരുന്ന അവസ്ഥ<br />തളർച്ചയും അസുഖമുള്ളതായുള്ള തോന്നലും.</li> <li>ചൂട്</li> <li>ശരീരഭാരം കുറയുക</li> <li>ഉറക്കം കുറയുക</li> <li>പേശീവേദന</li> <li>ശരീരം സാധാരണ സാധിക്കുന്ന രീതിയിൽ ചലിപ്പിക്കാൻ സാധിക്കാതെ വരിക</li> <li>ആയാസമുള്ള ജോലിയിലേർപ്പെടുമ്പോൾ സാധാരണയിലും വേഗം തളരുക</li> </ul> <h3><b>അനന്തരഫലങ്ങൾ</b></h3> <p style="text-align: justify; ">സന്ധിവേദനകൾ കാരണം ശാരീരികാദ്ധ്വാനം കുറയുന്നതു മൂലം പൊണ്ണത്തടി, കൊളസ്ട്രോൾ വർദ്ധിക്കുന്നതു മൂലം ഹൃദയാഘാതം വരാനുള്ള സാദ്ധ്യത എന്നിവയും വർദ്ധിക്കും. ഡിപ്രഷൻ പോലെയുള്ള മാനസിക പ്രശ്നങ്ങളും ഈ അസുഖമുള്ളവർക്ക് കൂടുതലായി കാണപ്പെടുന്നുണ്ട്.</p> <h3><b>ചികിത്സ</b></h3> <p style="text-align: justify; "><span style="text-align: start; float: none; ">പൊതുവെ ആന്റിബയോട്ടിക്കുകളും, ഫിസിയോ തെറാപ്പിയുമാണ് ചികിത്സയായി വരുന്നത്. ഫിസിയോ തെറാപ്പി ചെയ്യുന്നത് സന്ധികളുടെ ചലനശേഷി വർധിപ്പിക്കാൻ സഹായിക്കുന്നു. ഒപ്പം വേദന കുറയ്ക്കാൻ ഫിസിയോ തെറാപിസ്റ്റ് നിർദ്ദേശിക്കുന്ന വ്യായാമങ്ങളും ഫലപ്രദമാണ്.</span></p> <p style="text-align: justify; "><span style="text-align: start; float: none; "><span style="text-align: start; float: none; "><i><b>കടപ്പാട് : കേരളഭൂഷണം </b></i></span></span></p> </div>