<div id="MiddleColumn_internal"> <p style="text-align: justify; ">ഒരു തലവേദന വന്നാല് പോലും ഗൂഗിള് ചെയ്ത് അതിന്റെ കാരണങ്ങള് തിരയുന്നവരെ നമ്മള് കണ്ടിട്ടുണ്ട്. അത്തരത്തിലുള്ള ഏതെങ്കിലും ശീലത്തിന്റെ ഉടമകളാണോ നിങ്ങള്? എങ്കില് നിങ്ങള്ക്ക് കരുതാന് ധാരാളം കാര്യങ്ങളുണ്ട്.</p> <p style="text-align: justify; ">തലവേദന തന്നെ, വിവിധ അസുഖങ്ങളുടെ ലക്ഷണമാണ്. നീര്ക്കെട്ട് മുതല് ട്യൂമര് വരെയുള്ള അസുഖങ്ങളുടെ ലക്ഷണമാണ് തലവേദന. എന്നാല് കൃത്യമായി ഏത് അസുഖമാണ് നമുക്കുള്ളതെന്ന് ഒരു തലവേദന കൊണ്ടുമാത്രം കണ്ടെത്തുക സാധ്യമല്ല. ഇതുപോലെ ഓരോ രോഗാവസ്ഥകള്ക്കും ഓരോ കാരണങ്ങളുണ്ട്. ഇതെല്ലാം പരസ്പരം ബന്ധപ്പെട്ടും, അല്ലാതെയും കിടക്കുന്നു. ഗൂഗിള് സെര്ച്ചിനെ മാത്രം ആശ്രയിച്ച് സ്വന്തം രോഗം കണ്ടെത്തുകയും അത് രണ്ടാമതൊരു അഭിപ്രായം പോലും തേടാതെ വിശ്വസിക്കുകയും തുടര്ചികിത്സകള് സ്വയം നടത്തുകയും ചെയ്യുന്നത് വലിയ അപകടങ്ങളിലേക്കേ വഴി തെളിക്കൂ.</p> <p style="text-align: justify; "><b>ഇങ്ങനെയുള്ള അപകടങ്ങളിലേക്ക് കടക്കും മുമ്പ് ഓര്ക്കാന് ചില കാര്യങ്ങള്. </b></p> <ul style="text-align: justify; "> <li> ആരോഗ്യമേഖല കൂടുതല് മെച്ചപ്പെട്ടുവരുന്ന ഒരു കാലഘട്ടത്തിലാണ് നമ്മള് ജീവിക്കുന്നതെന്ന് നമുക്കോര്മ്മ വേണം. ഏത് അസുഖത്തെയും കഴിയുന്നതും നേരത്തെ തിരിച്ചറിയാനും അതിനുള്ള ചികിത്സ ഉറപ്പുവരുത്താനുമുള്ള സൗകര്യങ്ങളും ഇടങ്ങളും നമുക്കുണ്ട്. നാട്ടിന്പുറങ്ങളില് പോലും മികച്ച ചികിത്സാ സൗകര്യങ്ങളാണ് നമുക്കുള്ളത്. ഇത്തരത്തിലൊരു സാഹചര്യത്തില് ജീവിക്കുന്ന നമ്മളെന്തിനാണ് സ്വന്തം അസുഖത്തെപ്പറ്റി അവ്യക്തമായ വിവരങ്ങളന്വേഷിച്ച് വ്യാകുലപ്പെടുകയും അനാവശ്യമായി സമയവും സ്വസ്ഥതയും തകര്ക്കുന്നതും. നേരെ ഒരു ഡോക്ടറെ കാണുക. ശാരീരിക വിഷമതകളും ലക്ഷണങ്ങളും ഡോക്ടറോട് വിശദീകരിക്കുക. അസുഖമെന്തെന്ന് ഡോക്ടര് കണ്ടുപിടിക്കട്ടെ. ആവശ്യമെങ്കില് മറ്റ് പരിശോധനകള്ക്ക് ഡോക്ടര് തന്നെ നിര്ദേശിക്കും. </li> </ul> <ul style="text-align: justify; "> <li> താന് നേരിടുന്ന ആരോഗ്യപ്രശ്നങ്ങള് വച്ച് ഗൂഗിള് ചെയ്ത് അസുഖമെന്തെന്ന് തിരയുന്നവര്ക്ക് പലപ്പോഴും കിട്ടുന്ന മറുപടി തെറ്റായിരിക്കും. ചിലപ്പോള് ഒന്നിലധികം മറുപടികളായിരിക്കും ഗൂഗിള് നല്കുക. ഇത് ആശയക്കുഴപ്പമുണ്ടാക്കാനേ ഉപകരിക്കൂ. മാത്രമല്ല ഗുരുതരമായ അസുഖങ്ങള് പിടിപെട്ടുവെന്ന ധാരണയില് നമ്മള് കൂടുതല് ആശങ്കപ്പെടാനും ഇത് വഴിയൊരുക്കുന്നു.</li> </ul> <i><b>കടപ്പാട്: ആര്യ ഉണ്ണി </b></i> <ul style="text-align: justify; "> </ul> </div>