<div id="MiddleColumn_internal"> <div id="_mcePaste" style="text-align: justify; "><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/ladiesfinger.jpeg" />കേരളത്തിലെ കാലാവസ്ഥയില് ഏറ്റവും നന്നായി വളരുന്ന ഒരു സസ്യ ഇനമാണ് വെണ്ടയ്ക്ക. നിലത്തോ ടെറസിലോ മണ്ണുപാകി ഇത് വളരെയെളുപ്പത്തില് വളര്ത്തിയെടുക്കാം.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">വെണ്ട വിത്തുകള് ശ്രദ്ധയോടു കൂടി തെരഞ്ഞെടുക്കണം. കൃഷി ചെയ്യാന് ഉദ്ദേശിക്കുന്ന സ്ഥലം ഉഴുതു വൃത്തിയാക്കുക. പേപ്പര് ഗ്ലാസ്സിലോ നിലത്തോ വിത്ത് പാകാവുന്നതാണ്. ചകിരി ചോറും മണിര കമ്ബോസ്റ്റും മണ്ണും കൂട്ടി കലര്ത്തിയ മിശ്രിതം ഇതിനായി ഉപയോഗിക്കാം.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">ദിവസവും ചെറിയ തോതില് നന ആവാം. ഒരാഴ്ച കഴിയുമ്ബോള് ഒരു തവണ കൂടി വളം ചെയ്യുക.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">രണ്ടാഴ്ച കൊണ്ട് ചെടികള് പറിച്ചു നടാവുന്നതാണ് ഇതിനായി കൃഷി സ്ഥലം ഒരു തവണ കൂടി ഉഴുതു വൃത്തിയാക്കുക. കുഴികള് തമ്മില് 2-3 അടി അകലം ഉണ്ടായാല് വളരുമ്ബോള് കായ്ഫലം കൂടും.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">നട്ടു പത്തു ദിവസം കഴിയുമ്ബോള് ആട്ടിന് കാട്ടമോ ചാണക പൊടിയോ ഇട്ടു മണ്ണ് ഇടേണ്ടതാണ്. ഇത് ചെടികള്ക്കിടയില് വളരുന്ന പുല്ലുപോലുള്ളവ ഇല്ലാതാക്കിക്കോളും.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">ഗ്രോ ബാഗില് ആണ് നടുന്നതെങ്കില് ഒരു കവറില് ഒരു ചെടി വീതം നടേണ്ടതാണ്.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">വെണ്ടക്കയുടെ ഗുണങ്ങള്</h3> <div id="_mcePaste" style="text-align: justify; "></div> <div id="_mcePaste" style="text-align: justify; "><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/ladiesfinger1.jpeg" />അധിക കൊഴുപ്പ് ഇല്ലാതാക്കുന്നു : വെണ്ടയ്ക്കയില് ധാരാളം നാരുകള് അടങ്ങിയിട്ടുള്ളതിനാല് ശരീരത്തിന്റെ അമിതഭാരം കുറയ്ക്കുന്നതിന് ഇത് സഹായിക്കുന്നു. ശരീരത്തിന് ആവശ്യമുള്ള ധാതുക്കള് നല്കുകയും കൊഴുപ്പിന്റെ അംശത്തെ കുറയ്ക്കുകയും ചെയ്യുന്നു.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">ഹൃദയ സംബന്ധമായ രോഗശമനത്തിന്:</h3> <div style="text-align: justify; ">ഇതില് ഫൈബര് പെക്ടിന് അടങ്ങിയിരിക്കുന്നതിനാല് ശരീരത്തിന് ആവശ്യമില്ലാത്ത കൊളസ്ട്രോളിന്റെ അളവ് നിയന്ത്രിക്കുന്നു.</div> <h3 id="_mcePaste" style="text-align: justify; ">പ്രമേഹ നിയന്ത്രണത്തിന്:</h3> <div style="text-align: justify; ">വെണ്ടയ്ക്കയില് അടങ്ങിയിരിക്കുന്ന നാരുകള് തന്നെയാണ് പ്രമേഹ നിയന്ത്രണത്തിനും സഹായിക്കുന്നത്. യുജെനോള് എന്ന ഫൈബര് ദഹനത്തെ സുഗമമാക്കുകയും രക്തത്തിലെ പഞ്ചസാരയുടെ അളവിനെ നിയന്ത്രിക്കുകയും ചെയ്യുന്നു.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">ദഹനം സുഗമമാക്കുന്നു:</h3> <div style="text-align: justify; ">വെണ്ടക്കയില് അടങ്ങിയിരിക്കുന്ന യുജെനോള്, ദഹനത്തെ സുഗമമാക്കുമ്ബോള് പെക്ടിന് എന്ന വസ്തു മലബന്ധത്തെ ഇല്ലാതാക്കുന്നു. വെണ്ടയ്ക്ക പതിവായി ആഹാരത്തിന്റെ ഭാഗമാക്കുന്നത് മലസംബന്ധമായ പ്രശ്നങ്ങള്ക്കും ഒരു പരിഹാരമാണ്.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">രോഗപ്രതിരോധ ശക്തി വര്ദ്ധിപ്പിക്കുന്നു:</h3> <div style="text-align: justify; ">ഇതില് അടങ്ങിയിരിക്കുന്ന വിറ്റാമിന് സി രോഗപ്രതിരോധ ശക്തിയെ വര്ദ്ധിപ്പിക്കുന്നു.</div> <div id="_mcePaste" style="text-align: justify; "></div> <div id="_mcePaste" style="text-align: justify; "></div> <div id="_mcePaste" style="text-align: justify; "></div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">മുലയൂട്ടുന്ന അമ്മമാര്ക്ക് അത്യുത്തമം:</h3> <div style="text-align: justify; ">വെണ്ടയ്ക്കയില് ഫോളിക് ആസിഡ്/ഫോളേറ്റ് അടങ്ങിയിരിക്കുന്നതിനാല് മുലയൂട്ടുന്ന അമ്മമാരുടെ ആരോഗ്യത്തിന് വെണ്ടയ്ക്ക നിര്ബന്ധമായും ആഹാരക്രമത്തില് ഉണ്ടാകണം.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">വിളര്ച്ചയ്ക്ക് പരിഹാരം:</h3> <div style="text-align: justify; ">ഫോളേറ്റ്, വിറ്റാമിന് കെ, അയണ് തുടങ്ങിയവ ഇതില് അടങ്ങിയിരിക്കുന്നതിനാല് വിളര്ച്ച അനുഭവിക്കുന്നവര്ക്ക് ഇതിന്റെ ഉപയോഗം ഏറെ ഗുണം ചെയ്യും.</div> <h3 id="_mcePaste" style="text-align: justify; ">കണ്ണിനു താഴെയുള്ള കറുപ്പകറ്റാന്:</h3> <div style="text-align: justify; ">കണ്ണിനു താഴെയുണ്ടാകുന്ന കറുപ്പ് അകറ്റാന് വെണ്ടയ്ക്കാ നീര് ഒരല്പം പുരട്ടി അതുണങ്ങി കഴിയുമ്ബോള് കഴുകി കളയുന്നത് പ്രയോജനം ചെയ്യും എന്ന് വിശ്വസിക്കപ്പെടുന്നു.</div> <div id="_mcePaste" style="text-align: justify; ">കാഴ്ച ശക്തി വര്ദ്ധിപ്പിക്കുന്നു: വെണ്ടയ്ക്കയില് വിറ്റാമിന് എ യും, ബീറ്റാ കരോട്ടീനും അടങ്ങിയിരിക്കുന്നതിനാല് നല്ല കാഴ്ചയ്ക്കും ഇത് നല്ലതാണ്.</div> <div id="_mcePaste" style="text-align: justify; "></div> <h3 id="_mcePaste" style="text-align: justify; ">പേന് ശല്യമൊഴിവാക്കാന്:</h3> <div style="text-align: justify; ">വെണ്ടയ്ക്ക കുറുകെ മുറിച്ചു സ്വല്പം വെള്ളത്തിലിട്ടു തിളപ്പിച്ചതിനു ശേഷം വെള്ളം തണുത്തു കഴിയുമ്ബോള്, ഇതിലേക്ക് അല്പം നാരങ്ങാ നീര് കൂടി ചേര്ത്തു തല കഴുകുന്നത്, പേന് ശല്യം കുറയ്ക്കുകയും തലയില് താരണം വരാതിരിക്കുവാനും സഹായിക്കുന്നു. മുടിയുടെ തിളക്കം വര്ദ്ധിപ്പിക്കുവാനും ഇത് ഉപയോഗിക്കാം.</div> <div id="_mcePaste" style="text-align: justify; "><b><i>കടപ്പാട്:realnewskerala</i></b></div> </div>