<div id="MiddleColumn_internal"> <div id="_mcePaste"><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/cardiac.jpg" />ഹൃദയാഘാതത്തില് നിന്നും വ്യത്യസ്തമായ അവസ്ഥയാണ് ഹൃദയസ്തംഭനം അഥവാ കാര്ഡിയാക് അറസ്റ്റ്. ഹൃദയത്തിന് കാര്യക്ഷമമായി രക്തം പമ്ബ് ചെയ്യാനാവാത്ത അവസ്ഥ. പല വിധത്തിലുള്ള കാരണങ്ങള് കൊണ്ട് ഇത്തരത്തിലൊരു അവസ്ഥ സംഭവിക്കാവുന്നതാണ്. ഹൃദയത്തിലേക്കുള്ളതല്ല ഹൃദയത്തില് നിന്നുള്ള രക്തത്തിന്റെ ഒഴുക്കിനാണ് ഇവിടെ തടസ്സങ്ങള് നേരിടുന്നത്.</div> <div id="_mcePaste"></div> <div id="_mcePaste">പള്സിനാണ് ആദ്യം പ്രശ്നം സംഭവിക്കുന്നത്. നാഡീമിടിപ്പ് നിലക്കുകയാണ് ആദ്യം സംഭവിക്കുന്നത്. ഹൃദയമിടിപ്പിന്റെ പ്രതിഫലനമാണ് നാഡിമിടിപ്പ്. അതുകൊണ്ട് തന്നെ ഹൃദയത്തിന് എന്തെങ്കിലും സംഭവിച്ചാല് അത് പള്സ് നിര്ണയിക്കപ്പെടാന് കഴിയാത്ത അവസ്ഥയിലേക്ക് എത്തുന്നു. നാഡീമിടിപ്പ് നിലച്ച് ഹൃദയത്തിന്റെ പ്രവര്ത്തനത്തെ തടസ്സപ്പെടുമ്ബോഴാണ് കാര്ഡിയാക് അറസ്റ്റ് സംഭവിക്കുന്നത്.</div> <h3>താഴെ പറയുന്നവ കാര്ഡിയാക് അറസ്റ്റിന്റെ ചില ലക്ഷണങ്ങളാണ്.</h3> <div id="_mcePaste" style="text-align: justify; "></div> <div id="_mcePaste">1.തലചുറ്റലും ബോധക്ഷയവും: തലചുറ്റലും ബോധക്ഷയവും പലപ്പോഴും പല കാരണങ്ങള് കൊണ്ടും സംഭവിക്കാവുന്നതാണ്. എന്നാല് ഹൃദയസ്തംഭനം സംഭവിച്ച് കഴിഞ്ഞാല് ബോധക്ഷയവും അതിനോടനുബന്ധിച്ച് തന്നെ ഉണ്ടാവുന്നു.</div> <div id="_mcePaste"></div> <div id="_mcePaste">2.നെഞ്ച് വേദന: ഹൃദയാഘാതത്തിന്റെ പ്രധാന ലക്ഷണമാണ് നെഞ്ച് വേദന . അതേപോലെ കാര്ഡിയാക് അറസ്റ്റ് സംഭവിക്കുമ്ബോഴും ഇതേ നെഞ്ച് വേദന ഉണ്ടാവുന്നു. ഇത് ഇടതു കൈയ്യിലേക്കോ കഴുത്തിന്റെ ഇടതു വശത്തേക്കോ വ്യാപിക്കുന്നതായി തോന്നുന്നു. സ്ത്രീകള്ക്ക് പുരുഷനെ അപേക്ഷിച്ച് ഈ വേദന തിരിച്ചറിയാന് കഴിയുന്നത് കുറവാണ്. പലപ്പോഴും നിശബ്ദമായ ഹൃദയാഘാതമോ ഹൃദയസ്തംഭനമോ ആയിരിക്കും സ്ത്രീകള്ക്ക് സംഭവിക്കുന്നത്.</div> <div id="_mcePaste" style="text-align: justify; "></div> <div id="_mcePaste">3.മനം പിരട്ടലും ഛര്ദ്ദിയും: മനം പിരട്ടലും ഛര്ദ്ദിയും പലപ്പോഴും ഹൃദയസ്തംഭന ലക്ഷണങ്ങളില് പ്രധാനപ്പെട്ടതാണ്. അതുകൊണ്ട് തന്നെ ഇത്തരം ലക്ഷണങ്ങളോടൊപ്പം നെഞ്ച് വേദന കൂടി അനുഭവപ്പെട്ടാല് പ്രത്യേകം ശ്രദ്ധിക്കണം. ഇത്തരം സന്ദര്ഭങ്ങളില് രോഗിക്ക് മരണം സംഭവിക്കാനുള്ള സാധ്യത വളരെയധികം കൂടുതലാണ്.</div> <div id="_mcePaste"></div> <div id="_mcePaste">4.കിതപ്പ്: ഒരു കാര്യവും ചെയ്തില്ലെങ്കില് പോലും പലരിലും കിതപ്പ് അനുഭവപ്പെടുന്നു. ശ്വാസമെടുക്കാനുള്ള ബുദ്ധിമുട്ടും ശാരീരിക പ്രവര്ത്തനങ്ങള്ക്ക് രക്തവും ഓക്സിജനും എത്താത്തതും എല്ലാമാണ് ഇത്തരത്തില് കിതപ്പിന് കാരണം.</div> <div id="_mcePaste" style="text-align: justify; "></div> <div id="_mcePaste">5.മാനസിക സമ്മര്ദ്ദം: മാനസിക സമ്മര്ദ്ദവും ഹൃദയാഘാതവും തമ്മില് വളരെ അടുത്ത ബന്ധമാണ് ഉള്ളത്. ഇത് മൂലം പലപ്പോഴും ഹൃദയാഘാതവും കാര്ഡിയാക് അറസ്റ്റും സംഭവിക്കാവുന്നതാണ്. അതുകൊണ്ട് തന്നെ പരമാവധി മാനസിക സമ്മര്ദ്ദം കുറക്കാന് ശ്രമിക്കുക.</div> <div id="_mcePaste"></div> <div id="_mcePaste">6.ഹൃദയത്തെ ബാധിക്കുന്ന രോഗങ്ങള്: ഹൃദയത്തെ ബാധിക്കുന്ന അനാരോഗ്യകരമായ അവസ്ഥക്ക് പരിഹാരം കാണാന് പെട്ടെന്ന് ശ്രമിക്കണം. ഹൃദയധമനീ രോഗം ഇത്തരത്തില് പ്രശ്നങ്ങള് ഉണ്ടാക്കുന്ന ഒന്നാണ്.ഇത് മൂലം രക്തത്തിന്റെ ഒഴുക്കിന്റെ താളം തെറ്റുന്നു. ഇത് ഹൃദയ പ്രവര്ത്തനങ്ങളെ വളരെ പ്രതികൂലമായി ബാധിക്കുന്നു. ഇത് പെട്ടെന്നുള്ള മരണം സംഭവിക്കുന്നതിന് കാരണമായേക്കാം.</div> <div id="_mcePaste" style="text-align: justify; "></div> <div id="_mcePaste" style="text-align: justify; "><strong><i>കടപ്പാട്:asianet news</i></strong></div> </div>