<div id="MiddleColumn_internal"> <p style="text-align: justify; "><span><img class="image-left" src="https://static.vikaspedia.in/media_vikaspedia/ml/images/health/d06d30d17d4dd2fd35d3fd35d30d19d4dd19d7e/coconutwater.jpg" />പ്രകൃതി അതിന്റെ എല്ലാ നന്മയും നൈർമല്യവും രമ്യമായി ഇണക്കി ച്ചേർത്ത് തയ്യാറാക്കിയ </span><span>നൂറുശതമാനം പരിശുദ്ധമായ ഒരു ശീതള പാനീയമാണ് ഇളനീർ. പ്രകൃതി നിർമ്മിതമായ ഈ </span><span>|മധുരപാനീയത്തിന്റെ മഹത്വം എത്ര പറഞ്ഞാലും അധികമാകുകയില്ല. അത്രമാത്രം </span><span>പോഷകസമ്പന്നവും നിരവധി രോഗങ്ങൾക്ക് സിദ്ധൗഷധവുമാണിത്. ശരീരത്തിന് ആവശ്യമുള്ള</span></p> <div id="_mcePaste" style="text-align: justify; "> <div id="_mcePaste">ജീവകങ്ങളും ധാതുലവണങ്ങളും മാംസ്യവുമൊക്കെ ഇളനീരിൽ വേണ്ടുവോളം <span>അടങ്ങിയിരിക്കുന്നു. ശരീരത്തിന് തണുപ്പേകാനും ഞൊടിയിടയിൽ ഉന്മേഷവും ഒാജസ്സും പ്രദാനം </span><span>ചെയ്യാനും ഇളനീരോളം പോന്ന മറ്റൊരു നൈസർഗിക പാനീയമില്ല തന്നെ. </span><span>കഥ ഇതൊക്കെയെങ്കിലും ഇളനീരിന് കേരത്തറവാടായ കേരളത്തിൽ ഇനിയും അർഹിക്കുന്ന </span><span>സ്ഥാനം ലഭിച്ചിട്ടില്ല എന്നുവേണം പറയാൻ. ബോംബെ, കൽക്കത്തെ, ബാംഗ്ലൂർ തുടങ്ങിയ </span><span>നഗരങ്ങളിൽ ഇളനീരിന് ഇതിനോടകം വൻപിച്ച പ്രചാരം ലഭിച്ചുകഴിഞ്ഞു. എന്നാൽ നമ്മടെ </span><span>നാട്ടിൽ ഇപ്പോഴും നല്ലൊരു ശതമാനം പേരും ദാഹശമനി എന്ന നിലയ്ക്ക് ഇളനീരിനുപകരം മറ്റ് </span><span>മധുരപാനീയങ്ങളെ അന്ധമായി ആശ്രയിക്കുകയാണ് പതിവ്. ഇതുകൊണ്ട് </span><span>ദോഷങ്ങളാണ് പ്രത്യക്ഷത്തിൽ അനുഭവപ്പെടുന്നത് ഒന്ന് നമ്മുടെ സമ്പദ്ഘടനയുടെ നട്ടെല്ല് </span><span>എന്നു തന്നെ വിശേഷിപ്പിക്കാവുന്ന കേരകൃഷിക്ക് ഇളനീരുപയോഗത്തിലൂടെ ലഭിക്കാവുന്ന </span><span>പ്രോത്സാഹനം കിട്ടുന്നില്ല; ഇനിയൊന്ന് ധനനഷ്ടം; വിപണി പിടിച്ചടക്കുവാൻ മോഹിപ്പിക്കുന്ന </span><span>പരസ്യങ്ങളുമായെത്തുന്ന കൃത്രിമകോളകൾക്കൊന്നിനും വില കുറവല്ല. മറ്റൊന്ന് കൃത്രിമ </span><span>പദാർത്ഥങ്ങളും എസ്സൻസുകളും മറ്റും ചേർത്ത് തയ്യാറാക്കുന്ന കോളകൾ കുടിക്കുമ്പോഴുണ്ടാ</span><span>കുന്ന ആരോഗ്യപ്രശ്നങ്ങൾ.</span></div> <div id="_mcePaste"></div> <div id="_mcePaste"><strong>ഇളനീർ ഇടാൻ അനുവദിക്കുകയില്ല...</strong></div> <div id="_mcePaste"></div> <div id="_mcePaste">തെങ്ങിൻപൂങ്കുലയിൽ പരാഗണം നടന്ന് 7-9 മാസം പ്രായമെത്തുമ്പോഴാണല്ലോ <span>ഇളനീരിനായി കരിക്ക് പറിച്ചെടുക്കുന്നത്. ഈ അവസരത്തിൽ ചിരട്ടയുടെ ഉൾഭാഗത്ത് </span><span>മധുരജലവും സ്വാദിഷ്ടമായ ഇളംകാമ്പുമുണ്ടായിരിക്കും. എന്നാൽ ഈയവസരത്തിൽ നമ്മ </span><span>നാട്ടിൽ യാതൊരു കാരണവശാലും ഇളനീരിടാൻ അനുവദിക്കുകയില്ല. ഈ വൈമുഖ്യത്തിൽ </span><span>തെല്ല് പാരമ്പര്യത്തിന്റെ അംശം കൂടെ കലർന്നിരിക്കുന്നുവെന്നു വേണം കരുതാൻ. കരിക്ക് വെട്ടി </span><span>വിറ്റ് ഉപജീവനം കഴിക്കേണ്ട ആവശ്യമില്ല എന്ന ദുരഭിമാനവും ഇതിനുപിന്നിലില്ലേ എന്ന് </span><span>സംശയിക്കേണ്ടിയിരിക്കുന്നു.</span></div> <div id="_mcePaste"></div> <div id="_mcePaste">മറ്റൊന്ന് കരിക്ക് വെട്ടി വിൽക്കുന്നത് തെങ്ങിന്റെ വിളവിനെ പ്രതികൂലമായി ബാധിക്കുമെന്ന <span>ധാരണയാണ്. എന്നാൽ ഇതും പരമാർത്ഥമല്ല. ഇതെക്കുറിച്ച് വസ്തുനിഷ്ഠമായഗവേഷണപഠനങ്ങളൊന്നും നടന്നിട്ടില്ലെങ്കിലും ഇടയ്ക്ക് കുറച്ച് കരിക്ക് വെട്ടുന്നത് </span><span>നാളികേരോത്പാദനം വർധിക്കുവാൻ സഹായിക്കുമെന്നാണ് അനുഭവസ്ഥർ പറയുന്നത്. </span><span>പണ്ടത്തെ കാരണവന്മാർ ഒരവസരത്തിലും തെങ്ങിൽ നിന്ന് കരിക്കിടാൻ </span><span>അനുവദിച്ചിരുന്നില്ല എന്നു കാണാം. കാരണവന്മാരുടെ കയ്യിൽ വരേണ്ടുന്ന </span><span>കാർഷികവരുമാനത്തിന് ഇടയ്ക്കുവെച്ചൊരു കുറവ് സംഭവിക്കേണ്ട എന്ന് കരുതിയാവാം അന്നത് </span><span>നിരുത്സാഹപ്പെടുത്തിയിരുന്നത്. അത്യപൂർവ സന്ദർഭങ്ങളിൽ വീട്ടിൽ വിശേഷപ്പെട്ട </span><span>പ്രമുഖവ്യക്തികൾ വരുമ്പോഴോ അല്ലെങ്കിൽ വിശേഷ സന്ദർഭങ്ങളിലോ മാത്രമേ കരിക്കിടാറുള്ള </span><span>ഇന്നും ഈ സ്ഥിതിയ്ക്ക് കാര്യമായ മാറ്റമൊന്നും വന്നിട്ടില്ല. </span><span>കരിക്കിന്റെ വളർച്ചാകാലം നോക്കിയാൽ ഒരു തേങ്ങ വിളയുന്ന സമയത്തിന് രണ്ട് </span><span>കരിക്കിന് വളരാൻ കഴിയും. കരിക്കിന് വിപണിയിൽ നല്ല വിലയും കിട്ടും. എങ്കിലും</span></div> <div id="_mcePaste">മലയാളികൾക്ക് വിളഞ്ഞ നാളികേരത്തോടുതന്നെയാണ് പ്രിയം.</div> <div id="_mcePaste"><strong>ഒൗഷധമേന്മ</strong></div> <div id="_mcePaste"></div> <div id="_mcePaste">വളരെയധികം ഒൗഷധഗുണമുള്ള ഒരു പാനീയമാണ് ഇളനീർ. അതുകൊണ്ടുതന്നെ</div> <div id="_mcePaste">പലതരം ആയുർവേദ ഒൗഷധങ്ങളുടെ ഒരു മുഖ്യ ചേരുവയുമാണ്. പലതരം രോഗങ്ങൾക്ക് <span>ഡോക്ടർമാർ കരിക്കിൻവെള്ളം കുടിക്കുവാൻ നിർദേശിക്കുന്നതും ഈ പാനീയത്തിന്റെ മഹത്വാ </span><span>ഒന്നുകൊണ്ടു മാത്രമാണ്, വളറിളക്കം, ഛർദി, അതിസാരം തുടങ്ങിയ രോഗങ്ങൾ വരുമ്പോൾ </span><span>ശരീരത്തിന് സംഭവിക്കുന്ന ജലാംശക്കുറവ് നികത്താനും രോഗിക്ക് ക്ഷീണവും തളർച്ചയും </span><span>മാറിക്കിട്ടാനും ഇളനീര് വളരെ ഉത്തമമാണ്. ശരീരത്തിൽ രക്തശുദ്ധീകരണം ഉറപ്പാക്കാനും </span><span>ഇളനീരിന് കഴിയും. ചിക്കൻപോക്സ്, മുണ്ടിനീര്, പൊങ്ങൻ പനി മുതലായ രോഗങ്ങൾക്കും</span></div> <div id="_mcePaste">ഇളനീർ ആശ്വാസം നൽകുന്നു.</div> <div id="_mcePaste"></div> <div id="_mcePaste"><strong>എന്തൊക്കെ അടങ്ങിയിരിക്കുന്നു</strong></div> <div id="_mcePaste"></div> <div id="_mcePaste">സാധാരണയായി നല്ല വലിപ്പമുള്ള ഒരു കരിക്കിൽ ശരാശരി 300-400മില്ലീലിറ്റർ <span>ഇളനീരുണ്ടാകും. ഇതിൽ ഏകദേശം 30ഗ്രാം പഞ്ചസാരയും രണ്ടു ഗ്രാം പൊട്ടാസ്യവും </span><span>അടങ്ങിയിരിക്കുന്നു. ഇതിനുപുറമെ ആർജിനൈർ, അലനൈൻ, സിസ്റ്റിൻ, സെറിൻ എന്ന്</span></div> <div id="_mcePaste">പ്രൊട്ടീനുകളുണ്ട്. ഇത് പശുവിൻപാലിലുള്ളതിനെക്കാൾ കൂടുതലായി <span>ഇളനീരിലടങ്ങിയിരിക്കുന്നു. കൂടാതെ ജീവകം ബി, സി, ധാതുലവണങ്ങൾ, വളർച്ചയെ </span><span>സഹായിക്കുന്ന ഹോർമോണുകൾ തുടങ്ങിയവയുമുണ്ട്. ഇങ്ങനെ നോക്കുമ്പോൾ ഇളനീരിനെ </span><span>ഒരാരോഗ്യടോണിക്കായി കണക്കാക്കുന്നതിൽ തെറ്റില്ല. </span><span>ഇളനീരിന്റെ മേന്മകൾ പറയുമ്പോൾ ഉള്ളിലെ ഇളംകാമ്പിന്റെ മികവ് നമുക്ക് മറക്കാൻ </span><span>കഴിയില, ഇളംകാമ്പ് അന്നജത്തിന്റെയും മറ്റ് പോഷകപദാർഥങ്ങളുടെയും ഒരു സാതസാണ്.എന്നാൽ ഇതിൽ കൊഴുപ്പിന്റെ അളവ് കുറവാണുതാനും. അതിനാൽ കൊഴുപ്പ് </span><span>ഒഴിവാക്കേവർക്കും ഇത് സധൈര്യം ഉപയോഗിക്കാം. ഇതിനു പുറമെ ഇളംകാമ്പുപയോഗിച്ച് </span><span>തയ്യാറാക്കുന്ന പുഡ്ഡിങ്, കോക്കനട്ട് സാലഡ്, ഐസ്ക്രീം, സർബത്ത് തുടങ്ങിയ </span><span>മധുരപദാർത്ഥങ്ങളും ആസ്വാദ്യകരമാണ്.</span></div> <div id="_mcePaste"><strong>ഇളനീരിന് യോജിച്ച ഇനങ്ങൾ</strong></div> <div id="_mcePaste"></div> <div id="_mcePaste">കേരത്തറവാടായ കേരളത്തിൽ വളരുന്ന ഏതാണ്ട് എല്ലായിനം നാളികേരവും കരിയായ <span>ഉപയോഗിക്കാൻ യോജിച്ചതു തന്നെ. എന്നാൽ ഇനത്തിന്റെ വ്യത്യാസമനുസരിച്ച് കരിക്കിൻ </span><span>വെള്ളത്തിലടങ്ങിയിരിക്കുന്ന പോഷകഘടകങ്ങളുടെ അളവിന് വൈവിധ്യം സംഭവിക്കുന്നു. </span><span>കരിക്കിൻ വെള്ളത്തിന്റെ അളവിലും വ്യത്യാസം വരാം. രുചിയും ഗുണവുമുള്ള ഒന്നരലിറ്റർ വരെ </span><span>വെളളം അടങ്ങിയിട്ടുള്ള ഇനങ്ങളുള്ളതായി റിപ്പോർട്ട് ചെയ്തിട്ടുണ്ട്. തെങ്ങിനങ്ങളുടെ ഒരു </span><span>വലിയ ജനിതകശേഖരം തന്നെയുള്ള കാസർഗോഡ് കേന്ദ്ര തോട്ടവിള ഗവേഷണ സ്ഥാപനത്തിൽ </span><span>ഇതെ സംബന്ധിച്ച് പഠനങ്ങൾ നടത്തിയിട്ടുണ്ട്. ഏഴുമാസം മൂപ്പെത്തിയ കരിക്കിൻ വെള്ളത്തിന്റെ </span><span>രുചി, അളവ്, ജൈവരാസഘടന എന്നിവയെ അടിസ്ഥാനമാക്കി വിവിധ ഇനങ്ങളിൽ ഇവിടെ </span><span>പരീക്ഷണങ്ങൾ നടത്തുന്നു. ഇ പഠനങ്ങളുടെ അടിസ്ഥാനത്തിൽ ചാവക്കാട് ഡ്വാർഫ് ഓറഞ്ച്, </span><span>എന്ന ഉയരം കുറഞ്ഞ ഇനം തെങ്ങ് ഇളനീരിന് പ്രത്യേകം ശുപാർശചെയ്തിട്ടുണ്ട്.</span></div> <div id="_mcePaste"></div> <div id="_mcePaste"><strong>ഉത്തമമായ സ്പോർട്സ് ഡ്രിങ്ക്</strong></div> <div id="_mcePaste"></div> <div id="_mcePaste">ഇളനീർ എത്രയും ഉത്തമമായ ഒരു പോർട്സ് ഡിങ്കായി ഉപയോഗിക്കാമെന്ന് <span>ആധുനികപഠനങ്ങൾ ശുപാർശ ചെയ്യുന്നു. ഇപ്പോൾ ലോകമാകമാനമുള്ള കളിക്കാർക്കു </span><span>വേണ്ടി 1000 ദശലക്ഷം ഡോളർ വിലവരുന്ന പലതരം പോർട്ഡിങ്കുകൾ </span><span>വിപണിയിലെത്തുന്നു എന്നാണ് കണക്കാക്കിയിട്ടുള്ളത്. ഈ പോർട്സ് ഡിങ്കുകൾക്കെല്ലാം</span></div> <div id="_mcePaste">പകരക്കാരനാകാൻ നമ്മുടെ ഇളനീരിന് കഴിയുമെന്ന് തെളിഞ്ഞിരിക്കുന്നു.<span>കാർഷികസംഘടന (എഫ്.എ.ഒ) ആണ് ഇപ്പോൾ ഇളനീർ ശാസ്ത്രീയമായി കുപ്പികളിലാക്കി</span></div> <div id="_mcePaste">വിപണനം ചെയ്യാനുള്ള ഒരു നൂതന സംവിധാനത്തിന് പേറ്റന്റ് നേടിയിരിക്കുന്നത്. ജൈവികമായി <span>പരിശുദ്ധവും സ്വാദിഷ്ടവും ലവണങ്ങളാലും പഞ്ചാസാരയാലും ജീവകങ്ങളാലും </span><span>സമ്പുഷ്ടവുമായ ഇളനീരിന് അത്ലറ്റുകൾക്കിടയിൽ വൻഡിമാന്റുണ്ടാകുമെന്ന് എഫ്. എ. ഒ.</span><span>കണക്കാക്കുന്നു.</span><span>ആഗ്രിക്കൾച്ചറൽ ഇൻഡസ്ട്രീസ് ആന്റ് പോസ്റ്റ് ഹാർവെസ്റ്റ് മാനേജ്മെന്റ് സർവിസ് (എ</span><span>എസ്. ഐ) എന്ന പ്രസ്ഥാനത്തിന്റെ തലവനായ മോർട്ടൺ സാറ്റിനാണ് ഈ പുതിയ പദ്ധതിയുടെ </span><span>ആള്.</span><span>നമ്മുടെ ശരീരത്തിലെ രക്തത്തിന് അതേ ഇലക്ട്രോളിങ് തന്നെയാണ് ഇളനീരിനുള്ളത് മറ്റൊരുതരത്തിൽ പറഞ്ഞാൽ പ്രകൃതി നൽകുന്ന ജീവജലം.മോർട്ടൺ അഭിപ്രായപ്പെടുന്നു.</span><span>1941 45 കാലയളവിൽ നടന്ന പസഫിക് യുദ്ധത്തിൽ മുറിവേറ്റു വീണ പടയാളികൾക്ക് ഇളനീർ </span><span>നൽകിയാണ് അവരുടെ ശരീരത്തിലെ ലവണതുലന നില സമരസപ്പെടുത്തിയതും അവരെ </span><span>സാധാരണ ജീവിതത്തിലേക്ക് തിരിച്ചുകൊണ്ടുവന്നതും.</span></div> <div id="_mcePaste"></div> <div id="_mcePaste">ഒരു മണിക്കൂർ കഠിനമായി കായികാധ്വാനം ചെയ്താൽ ശരീരത്തിലെ 4/3 ഭാഗം ജലാംശം <span>വിയർപ്പായി നഷ്ടപ്പെടുമെന്നാണ് കണക്ക്. ഈ വിയർപ്പ് വെറും ജലനഷ്ടമായി മാത്രം </span><span>കാണരുത്. ഇതോടൊപ്പം ധാരാളം ലവണങ്ങളും ശരീരത്തിന് നഷ്ടമാകുന്നു. പ്രത്യേകിച്ച് </span><span>സോഡിയം, പൊട്ടാസ്യം, കാർബോഹൈഡ്രേറ്റ്, പഞ്ചസാര മുതലായവ. ഇവ ക്രമാതീതമായാൽ </span><span>ക്ഷീണവും തളർച്ചയും ബോധക്ഷയവും മൊക്കെയുണ്ടാകും. അതുകൊണ്ടാണ് ഇത്തരം </span><span>ഘട്ടങ്ങളിൽ വെറും വെള്ളം മാത്രം കുടിച്ചാൽ പോര; ലവണരസമടങ്ങിയിട്ടുള്ള പാനീയം</span><span>(ഐസോടോണിക് ഡിങ്ക്) തന്നെ കുടിക്കണമെന്ന് പറയുന്നത്. </span><span>കേരളക്കരയിലെ കേരവ്യക്ഷങ്ങളിൽ ഈ ,ഐസോടോണിക് (ഡിങ്ക്, നിറയെ വിളയുമ്പോൾ </span><span>നാമെന്തിന് മറ്റ് കൃത്രിമ പാനീയങ്ങൾ തേടി അലയണം. സംസ്ഥാന സർക്കാർ ഇളനീരിന്റെ </span><span>ഉപയോഗം വ്യാപിപ്പിക്കുവാൻ നടത്തുന്ന തീവ്രശ്രമങ്ങളുടെ ഭാഗമായി ഇപ്പോൾ ഇളനീർ </span><span>പാർലറുകൾ, എന്ന ആശയം പ്രാവർത്തികമാക്കിയിരിക്കുന്നു. ഇത് തീർച്ചയായും ഈ മേഖലയ്ക്ക് </span><span>കരുത്ത് പകരാൻ പര്യാപ്തമാണ്.</span></div> <div id="_mcePaste"></div> <div id="_mcePaste"><strong><i>കടപ്പാട്: കേരള കര്ഷകന്</i></strong></div> </div> </div>