<div id="MiddleColumn_internal"> <div id="_mcePaste" style="text-align: justify; ">1. വാതരോഗം നിയന്ത്രിക്കുന്നതിന്:</div> <div id="_mcePaste" style="text-align: justify; "></div> <div id="_mcePaste" style="text-align: justify; ">സന്ധികള് തമ്മിലുള്ള ഘര്ഷണം സാധാരണമാണ്. ആവശ്യമായ ജലത്തിന്റെ അളവ് ഉപയോഗിച്ച് സന്ധികളുടെ സംയുക്തരൂപം നിലനിര്ത്താന് കഴിയും. കൂടാതെ, അസ്ഥികളുടെ തേയ്മാനം കുറയ്ക്കുന്നതിന് വെള്ളം സഹായിക്കുന്നു. ജല ഉപഭോഗത്തിലെ കുറവ്, റൂമറ്റോയ്ഡ് ആര്ത്രൈറ്റിസ് പോലെയുള്ള, ദീര്ഘകാലം നീണ്ടുനില്ക്കുന്ന പ്രശ്നങ്ങള്ക്കും ഇടയാക്കും. എല്ലുകളുടെ ശക്തി വര്ധിപ്പിക്കുന്നതിന് വെള്ളം കുടിക്കുന്നത് നല്ലതാണ്. എല്ലുകളില് 22 ശതമാനം അടങ്ങിരിക്കുന്നത് ജലമാണ്.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">2. ജൈവിക വിഷം ശരീരത്തില് നിന്ന് നിര്മാര്ജനം ചെയ്യാന്</div> <div id="_mcePaste" style="text-align: justify; "></div> <div id="_mcePaste" style="text-align: justify; ">ശരീരഭാഗങ്ങളില് ഓക്സിജന്, പോഷകഘടകങ്ങള്, ഹോര്മോണുകള് എന്നിവ എത്തിക്കാന് മാത്രമല്ല, വിഷവസ്തുക്കള്, മൃതകോശങ്ങള്, മാലിന്യങ്ങള് എന്നിവ നീക്കംചെയ്യുന്നതിനായി ഒരു മാധ്യമവുമാണ് ജലം. ശരീരത്തിന്റെ വിവിധ അടിസ്ഥാനപരമായ പ്രക്രിയകളില് ഉള്പ്പെട്ടിട്ടുള്ള പ്രോട്ടീനുകളുടെയും എന്സൈമുകളുടെയും ശരിയായ പ്രവര്ത്തനത്തിനായി വെള്ളം ആവശ്യമാണ്. യൂറിയയുടെ രൂപത്തില് വിസര്ജനവസ്തുക്കള് ശരീരത്തില് തങ്ങുന്നത് കോശജാലങ്ങള്ക്ക് വളരെ ദോഷകരമാണ്. ഇവ ശരീരത്തില് നിന്ന് പുറംതള്ളുന്നതിനു മുന്പ് ഇവയെ നേര്പ്പിക്കേണ്ടത് (സാന്ദ്രത കുറയ്ക്കേണ്ടത്) അത്യാവശ്യമാണ്. ഇതിനും ലായകമായ ജലം ആവശ്യംതന്നെ.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">3. ചര്മസംരക്ഷണത്തിനു വേണ്ടി</div> <div id="_mcePaste" style="text-align: justify; "></div> <div id="_mcePaste" style="text-align: justify; ">ചര്മത്തെ സംരക്ഷിക്കുന്നതിന് വിലകൂടിയ ക്രീമുകളെ ആശ്രയിക്കുന്നതിലും നല്ലത് ശുദ്ധമായ വെള്ളം കുടിക്കുന്നതാണ്. ആവശ്യത്തിന് വെള്ളം കുടിക്കുന്നത് ചര്മത്തിലെ ഈര്പ്പം നിലനിര്ത്താന് സഹായിക്കുകയും അതുവഴി ചര്മത്തിലെ ചുളിവുകളെ ഒരു പരിധിവരെ മാറ്റിനിര്ത്താനും കഴിയും.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">4. ശരീരഭാരം കുറയ്ക്കാന്</div> <div id="_mcePaste" style="text-align: justify; "></div> <div id="_mcePaste" style="text-align: justify; ">ധാരാളം വെള്ളം കുടിക്കുന്നത് ശരീരഭാരം കുറയ്ക്കാന് സഹായിക്കും. ഇതെങ്ങനെ എന്നായിരിക്കും നിങ്ങള് ഇപ്പോള് ചിന്തിക്കുന്നത്. ജലത്തിന് നമ്മുടെ ഉപാപചയ നിരക്ക് വര്ധിപ്പിക്കാന് കഴിയും എന്നതാണ് ഈ കടങ്കഥയുടെ ഉത്തരം. അമേരിക്കന് നാഷണല് ഇന്സ്റ്റിറ്റ്യൂട്ട് നടത്തിയ പഠനങ്ങള് സൂചിപ്പിക്കുന്നത് അര ലിറ്റര് (17 ഔണ്സ്) വെള്ളം കുടിക്കുന്നത് ഉപാപചയം 2430 ശതമാനം വരെ 1.5 മണിക്കൂര് സമയത്തേക്ക് വര്ധിപ്പിക്കുമെന്നതാണ്. അതായത്, ദിവസവും രണ്ട് ലിറ്റര് വെള്ളം കുടിക്കുന്നത് മൊത്തം ഊര്ജ ചെലവ് ദിവസം 96 കലോറി വര്ധിപ്പിക്കും എന്നാണ്.</div> <div id="_mcePaste" style="text-align: justify; "></div> <div id="_mcePaste" style="text-align: justify; ">വെള്ളം എപ്പോള് കുടിക്കണം എന്നതും പ്രാധാന്യമര്ഹിക്കുന്നു. ഊണിന് അര മണിക്കൂര് മുന്പ് ഒരുഗ്ലാസ് വെള്ളം കുടിക്കുക, ഇത് ഭാരം കുറയ്ക്കാന് മാത്രമല്ല, വിശപ്പിനെ ശമിപ്പിക്കാനും സഹായകമാണ്. ഭക്ഷണം കഴിക്കുന്നതിന് അര മണിക്കൂര് മുന്പ് വെള്ളം കുടിക്കുകയാണെങ്കില്, നമുക്ക് വയറുനിറഞ്ഞതായി തോന്നിപ്പിക്കുകയും അതിനാല് അധികഭക്ഷണം കഴിക്കുന്നത് തടയാനും കഴിയും.</div> <div style="text-align: justify; "></div> <div style="text-align: justify; "><strong>കടപ്പാട് ഇ പേപ്പർ</strong></div> </div>