<div id="MiddleColumn_internal"> <h3 style="text-align: justify;">அறிமுகம்</h3> <p style="text-align: justify;">கவலையும் பதட்டமும் நிறைந்த ஓர் விரும்பத்தகாத மனநிலையே மனவுளைச்சல் ஆகும். பொதுவாக பயவுணர்வும் கவலையுமே அதன் அம்சங்கள். மனவுளைவுக் கோளாறு ஒருவருக்கு அழிவை விளைவிக்கும். இந்நோயினால் பாதிக்கப்பட்டவர்கள் இறுதியில் மனவழுத்தம் கொண்டவர்களாக மாறுவார்கள்.</p> <p style="text-align: justify;">சில எச்சரிக்கும் அறிகுறிகளாவன:</p> <ol style="text-align: justify;"> <li>கடுமையான அச்சம் அல்லது பயவுணர்வு</li> <li>அமைதியின்மை</li> <li>எளிதாகக் களைப்படைதல்</li> <li>இடையூறுள்ள தூக்கம்</li> <li>எடை மற்றும் பசி எடுத்தலில் கோளாறுகள்</li> </ol> <h3 style="text-align: justify;">நோயறிகுறிகள்</h3> <p style="text-align: justify;">நோயறிகுறிகளில் அடங்கும் சில :</p> <ul style="text-align: justify;"> <li>களைப்பு</li> <li>வாய் உலர்தல்</li> <li>வயிற்றுக் கோளாறுகள்</li> <li>தூக்கக் கோளாறும் தலைவலியும்</li> <li>தசை விறைப்பும் வலியும்</li> <li>விழுங்குவதில் கடினம்</li> <li>நடுக்கமும் எரிச்சல் உணர்வும்</li> <li>தசை வலிப்பு</li> <li>வியர்வையும் உடல் சூடாதலும்</li> </ul> <h3 style="text-align: justify;">காரணங்கள்</h3> <p style="text-align: justify;">மனவுளைச்சலுக்கான சரியான காரணம் இதுவரை அறியப்படவில்லை.</p> <p style="text-align: justify;">மூளையில் உள்ள சில வேதிப்பொருட்கள் சமநிலை இழப்பதாலேயே மனவுளைச்சல் கோளாறு உண்டாகிறது என்று சில ஆராய்ச்சியாளர்கள் கருதுகின்றனர். இவ்வேதியற் பொருட்கள் நரம்புக்கடத்திகள் எனப்படும்.</p> <p style="text-align: justify;">மனவுளைச்சலின் பிற காரணங்கள் வருமாறு:</p> <ul style="text-align: justify;"> <li>புதிய வேலை, திருமணம், மகப்பேறு, பிரிவு போன்ற மாற்றங்களின் காரணமாகப் பலருக்கு மனவுளைச்சல் ஏற்படுகிறது.</li> <li>ஆஸ்துமாவுக்காக உள்ளுறிஞ்சும் மருந்துகள், தைராய்ட் மருந்துகள், உணவுக்கட்டுப்பட்டு மாத்திரைகள் போன்ற சில மருந்துகளும் மனவுளைச்சலை உண்டாக்கலாம்.</li> <li>காஃபைன், மது, புகையிலைப் பொருட்களும் மனவுளைச்சலை ஏற்படுத்தும்.</li> </ul> <h3 style="text-align: justify;">நோய் கண்டறிதல்</h3> <p style="text-align: justify;">குறிகளும் அறிகுறிகளும் கொண்டு இதனைக் கண்டறியலாம். உளவியல் மதிப்பாய்வும் உதவும்.</p> <h3 style="text-align: justify;">நோய் மேலாண்மை</h3> <p style="text-align: justify;">மனவுளைச்சலுக்கு உளவியல் முறைப்படி அல்லது மருந்துகளால் அல்லது இரண்டு வகையிலும் மருத்துவம் அளிக்க முடியும்.</p> <p style="text-align: justify;"><strong>உளவியல் சிகிச்சை</strong>: அறிவாற்றல் நடத்தை சிகிச்சை எனப்படும் இம்முறை மனவுளைச்சலுக்கு மருத்துவம் அளிக்கப் பயன்படுகிறது. இது ஒருவருக்குப் பல வழிகளில் சிந்திக்கவும், நடந்து கொள்ளவும், சூழ்நிலைகளுக்கு ஏற்ப செயல்படவும், மனவுளைச்சலையும் கவலையையும் குறைக்கவும் உதவுகிறது.</p> <p style="text-align: justify;"><strong>மருந்து</strong>: சில வேளைகளில் மருத்துவர்கள் மனவுளைச்சலுக்கு மருந்துகளையும் பரிந்துரைக்கின்றனர். இரு வகையான மருந்துகள் உண்டு: மனவுளைச்சலுக்கு எதிர்மருந்துகள் மற்றும் மனவழுத்தத்திற்கு எதிர்மருந்து. எதிர்மனவுளைச்சல் மருந்துகள் ஆற்றல் வாய்ந்தவை. அவற்றில் பல வகை உண்டு. சில உடனடியாக செயல்படும். ஆனால் அவைகளை நீண்ட காலத்திற்கு உட்கொள்ளக் கூடாது.</p> <p style="text-align: justify;">எதிர்மனவழுத்த மருந்துகள் மனவுளைச்சலுக்கும் உதவுகின்றன. அவைகள் செயல்படத் தொடங்க பல வாரங்கள் எடுத்துக்கொள்ளும். தலைவலி, குமட்டல் அல்லது தூக்க பாதிப்பு ஆகிய பக்கவிளைவுகள் ஏற்படலாம்.</p> <p style="text-align: justify;">எதிர்மனவழுத்த மருந்துகள் பலருக்கு பாதுகாப்பானதும் பயனளிப்பதுவுமாக இருந்தாலும் சிலருக்கு, குறிப்பாக குழந்தைகள், இளம்வயதினர் ஆகியோருக்கு ஆபத்தானவையாகும். மருத்துவரின் பரிந்துரையின் பேரிலேயே இவற்றைப் பயன்படுத்த வேண்டும்.</p> <h3 style="text-align: justify;">தடுப்புமுறை</h3> <p style="text-align: justify;">இன்றைய வாழ்க்கையில் அனைவருமே மனவழுத்தத்திற்கு உள்ளாகியுள்ளனர். யோகா, தியானம், விளையாட்டுகள், இசை போன்றவற்றில் ஈடுபட்டு மனவழுத்தத்தில் இருந்து விடுபட வேண்டும்.</p> <p style="text-align: justify;">மேலும், ஓய்வு நேரங்களில் பொழுதுபோக்கு வேலைகளில் ஈடுபடலாம்.</p> <p style="text-align: justify;">ஆதாரம் : <a class="external-link ext-link-icon" href="https://ta.nhp.gov.in/" target="_blank" rel="noopener">தேசிய சுகாதார இணையதளம்</a></p> </div>