<div id="MiddleColumn_internal"> <h3 style="text-align: justify; ">மனநல நோய்களின் அறிகுறிகள் யாவை?</h3> <p style="text-align: justify; ">சமூக நம்பிக்கைகள் மற்றும் நடைமுறைகளை ஒப்பிட்டு, சிந்தனை, மனநிலை, செயல்பாடு ஆகியவற்றில் தடுமாற்றம் இருக்கும் நிலை மனநோய் என அழைக்கப்படுகிறது. பெரும்பாலானவர்களில் இத்தகைய அறிகுறிகள் மனஅழுத்தம் மற்றும் தனிநபர் செயல்பாட்டு குறைபாடுகளுடன் சேர்ந்தே காணப்படும்.</p> <h4 style="text-align: justify; ">காரணவியலில் ஏற்படும் குறைபாடுகள்</h4> <ul style="text-align: justify; "> <li>கவனம் செலுத்துவதில் சிரமம், எளிதாக கவனம் சிதறுதல்.</li> <li>தகவல்களை ஞாபகத்தில் வைத்திருக்க இயலாமை.</li> <li>தகவல்களை ஆய்வதில் சிரமம் அல்லது தாமதம்.</li> <li>பிரச்சினைகளை தீர்க்க அதிக முயற்சி தேவைப்படுதல்.</li> <li>கோர்வையாக சிந்திக்க இயலாமை.</li> </ul> <h4 style="text-align: justify; ">சிந்தனையில் ஏற்படும் குறைபாடுகள்</h4> <ul style="text-align: justify; "> <li>எண்ணங்கள் வேகமாக அல்லது மிகவும் மெதுவாக் இருப்பதாக உணர்தல்.</li> <li>தேவையில்லாமல் எண்ணங்கள் ஒரு இடத்திலிருந்து பிற இடங்களுக்கு தாவுதல்.</li> <li>வழக்கில் இல்லாத வார்த்தைகள் அல்லது ஒலிகளை பயன்படுத்துதல்.</li> <li>செயல்படுத்த முடியாத எண்ணங்கள், வெளிக்காரணிகளால் ஏற்படுத்தப்படும் செயல்பாடுகள்.</li> </ul> <h4 style="text-align: justify; ">பார்வையில் ஏற்படும் குறைபாடுகள்</h4> <ul style="text-align: justify; "> <li>பார்வையில் தடுமாற்றம்: மிகவும் பிரகாசமான வண்ணங்கள் அல்லது அதிக ஒலி ஆகியவற்றை உணர்தல்.</li> <li>இல்லாத ஒலிகளை கேட்பது, அருகில யாருமில்லாத போதும் பேசுவது அல்லது சிரிப்பது.</li> <li>பழகிய சூழ்நிலைகளையும் புதிதாக உணர்வது.</li> <li>தொலைக்காட்சி, வானொலி அல்லது போக்குவரத்தில் மறைமுக செய்திகள் இருப்பதாக கருதுவது.</li> </ul> <h4 style="text-align: justify; ">உணர்வுகளில் ஏற்படும் குறைபாடுகள்</h4> <ul style="text-align: justify; "> <li>உபயோகமற்றவராக, நம்பிக்கை இழந்து, பயனற்று இருப்பதாக உணர்தல்.</li> <li>சிறு விசயங்களுக்கும் தாழ்வு மனப்பான்மை அடைதல்.</li> <li>மரணம் அல்லது தற்கொலை தொடர்பான எண்ணங்கள்.</li> <li>பொதுவான அம்சங்களில் ஆர்வம் அல்லது மகிழ்ச்சி இழத்தல்.</li> <li>தன் திறமைகள், செல்வம் மற்றும் தோற்றம் தொடர்பான உயரிய எண்ண்ங்கள் கொள்வது.</li> <li>அதீத ஊக்கம், குறைவான தூக்கம்.</li> <li>எரிச்சல் மனப்பான்மை, எளிதில் கோபமடைதல்.</li> <li>வெளித்தூண்டுதல் இல்லாமலே அதீத எண்ண மாற்றங்கள்.</li> <li>அதீத ஆர்வம், அதிக நம்பிக்கை, பிறரை தொந்தரவு செய்தல்.</li> <li>எப்போதும் அதீத கவனமுடன் இருத்தல்.</li> <li>ஆர்வக்கோளாறு, பயம், அனைத்தை பற்றியும் கவலை.</li> <li>பயம் காரணமாக பொதுவான நடவடிக்கைகளை (உதாரணமாக பேருந்தில் பயணம் செய்வது, மளிகை சாமான் வாங்குவது) தவிர்ப்பது.</li> <li>மக்கள் மத்தியில் சங்கோஜமாக உணர்வது.</li> <li>திரும்பத்திரும்ப ஒரு காரியத்தைச் செய்வது.</li> <li>கவலையளிக்கும்படியான கடந்த கால நினைவுகள், கெட்ட கனவுகள்.</li> </ul> <h4 style="text-align: justify; ">பிறருடன் பழகுவதில் ஏற்படும் குறைபாடுகள்</h4> <ul style="text-align: justify; "> <li>வெகு சில நெருங்கிய நண்பர்கள் மட்டுமே இருத்தல்.</li> <li>சமூக சூழ்நிலைகளில் பதட்டம் மற்றும் பயம்.</li> <li>வார்த்தைகள் அல்லது செயல்களில் வன்முறை.</li> <li>அதீதமான குறைகள் அல்லது மிகவும் நேர்மை போன்ற கலந்தமைந்த குணம்.</li> <li>சேர்ந்து இருப்பதற்கு சிரமமானவர்கள்.</li> <li>பிற மக்களை புரிந்து கொள்ளாமை.</li> <li>அதீத சந்தேகங்கள்.</li> </ul> <h4 style="text-align: justify; ">செயல்பாட்டில் ஏற்படும் குறைபாடுகள்</h4> <ul style="text-align: justify; "> <li>வேலையை விட்டு அடிக்கடி வெளியேறுதல் அல்லது வெளியேற்றப்படுதல்.</li> <li>வழக்கமான சூழ்நிலைகளிலும் எளிதாக கோபப்படுதல் அல்லது எரிச்சலடைதல்.</li> <li>வேலை, பள்ளி, வீடு ஆகிய இடங்களில் மற்றவர்களுடன் ஒத்து போகாதது.</li> <li>கவனம் செலுத்துவது மற்றும் வேலை செய்வதில் சிரமம்.</li> </ul> <h4 style="text-align: justify; ">வீட்டில் ஏற்படும் குறைபாடுகள்</h4> <ul style="text-align: justify; "> <li>பிறருக்கு உதவி செய்ய இயலாமை.</li> <li>அன்றாட வீட்டுச் செயல்களில் பதற்றம்.</li> <li>வீட்டு வேலைகளை செய்ய இயலாமை.</li> <li>சர்ச்சை மற்றும் சண்டைகளை நெரடியாக அல்லது மறைமுகமாக தூண்டுதல்.</li> </ul> <h4 style="text-align: justify; ">தன் கவனத்தில் ஏற்படும் குறைபாடுகள்</h4> <ul style="text-align: justify; "> <li>தூய்மை மற்றும் தோற்றத்தில் கவனமின்மை.</li> <li>குறைவாக அல்லது மிக அதிகமாக உண்பது.</li> <li>குறைவாக அல்லது மிக அதிகமாக தூங்குதல், பகல் தூக்கம்.</li> <li>உடல் நலத்தில் குறைவான கவனம் அல்லது கவனமின்மை.</li> </ul> <h4 style="text-align: justify; ">உடல் அறிகுறிகளில் ஏற்படும் குறைபாடுகள்</h4> <ul style="text-align: justify; "> <li>விளக்க முடியாத, தொடர்ச்சியான உடல் அறிகுறிகள்.</li> <li>அடிக்கடி தலைவலி, உடல்வலி, முதுகு வலி, கழுத்து வலி. </li> <li>ஒரே நேரத்தில் பலவித உடல் உபாதைகள்.</li> </ul> <h4 style="text-align: justify; ">பழக்கவழக்கங்களில் ஏற்படும் குறைபாடுகள்</h4> <ul style="text-align: justify; "> <li>கட்டுப்பாடில்லாத, இடையூறு ஏற்படுத்தும் செயல்பாடுகள்</li> <li>போதைப்பொருட்கள், மது பயன்படுத்துதல்</li> <li>தனக்குத்தானே நெருப்பு வைத்துக்கொள்ள விரும்புவது</li> <li>கட்டுப்பாடில்லாத சூதாட்டம் </li> <li>கட்டுப்பாடில்லாமல் பொருள் வாங்குதல்</li> </ul> <h4 style="text-align: justify; ">குழந்தைகளிடம் ஏற்படும் குறைபாடுகள்</h4> <ul style="text-align: justify; "> <li>போதைப்பொருட்கள், மது பயன்படுத்துதல்</li> <li>அன்றாட பிரச்சினைகளை சமாளிக்க இயலாமை</li> <li>தூக்கம் மற்றும் உணவில் மாற்றங்கள்</li> <li>உடல் உபாதைகள் பற்றிய அதிகபட்சமான புகார்கள்</li> <li>சட்டத்தை மதியாமை, பள்ளிக்கு செல்லாமை, திருடுதல், பொருட்களை உடைத்தல்</li> <li>உடல் எடை கூடுவது பற்றிய அதீத பயம்</li> <li>எப்போதும் எதிமறையான சிந்தனை, குறைவான பசி, மரணபயம்</li> <li>அடிக்கடி கோபப்படுதல்</li> <li>பள்ளி செயல்பாடுகளில் குறைபாடு</li> <li>அதிக முயற்சி செய்தாலும் குறைவான மதிப்பெண்கள்</li> <li>அதீத கவலை, பதற்றம்</li> <li>அதீத செயல்பாடுகள்</li> <li style="text-align: justify; ">தொடரும் பயங்கரக் கனவுகள்.</li> </ul> <h3>கேள்வி பதில்</h3> <p style="text-align: justify; "><b>மனநல ஆரோக்கியம் என்றால் என்ன?</b></p> <p style="text-align: justify; ">மனநல ஆரோக்கியம் என்பது மனநலப் பிரச்சனைகள் இல்லாமல் இருப்பது மட்டுமல்ல, இது நமது வாழ்வின் பல்வேறு விஷயங்களை உள்ளடக்கியதாகும். அவற்றுள் சில :</p> <ul> <li>நம்மைப் பற்றி நாம் எப்படி உணர்கிறோம்</li> <li>மற்றவர்களைப் பற்றி நாம் எப்படி உணர்கிறோம்</li> <li>வாழ்க்கையின் தேவைகளை நாம் எப்படி சந்திக்கின்றோம்.</li> </ul> <p style="text-align: justify; "><b>மனநல ரீதியாக எப்படி ஆரோக்கியமாக இருப்பது?</b></p> <p style="text-align: justify; ">உங்கள் வாழ்வில் மனநல ரீதியாக ஆரோக்கியமாக இருக்க வேண்டும் என்றால் ஒருசில இலக்குகளை நோக்கி நீங்கள் செல்ல வேண்டும் என்று உங்களுக்கு நீங்களே சொல்லிக் கொள்ளுங்கள். அவையாதெனில்,</p> <ul> <li>நான் சந்தோஷமாக இருக்க விரும்புகிறேன்</li> <li>நான் எனது வாழ்வில் கவலையை அகற்ற விரும்புகிறேன்</li> <li>எனது ஒவ்வொரு நாளும் எந்தவிதமான பிரச்சனைகளும் இல்லாமல் அமைதியாக போக வேண்டும் என்று நான் விரும்புகிறேன்.</li> </ul> </div>