<div id="Middlecolumn_internal"> <p style="text-align: justify; "><span>நமது உடலில் இருக்கும் முக்கியமான உறுப்புகளில் முதன்மையானது கல்லீரல்.</span></p> <p style="text-align: justify; ">இது நமது உடலில் இருந்து நச்சுக்களை வெளியேற்றி, உடற்சக்தியை உற்பத்தி செய்யும் செயல்பாட்டை செய்து வருகிறது.</p> <p style="text-align: justify; ">ஒருவேளை நாம் கல்லீரலை சரியாக பாதுகாக்காமல் இருந்தால், மெல்ல, மெல்ல உங்கள் உடலின் செயற்திறனில் குறைபாடு ஏற்பட ஆரம்பிக்கும்.</p> <p style="text-align: justify; ">இதனால், மற்ற பாகங்களின் செயற்திறனிலும் தீய தாக்கங்கள் உண்டாகும் என்பதை நீங்கள் மறந்துவிடக் கூடாது.</p> <p style="text-align: justify; ">மேலும், கல்லீரலை சுத்தமாக வைத்துக் கொள்ளாமல் இருந்தால் கீழ் கூறப்பட்டுள்ள நோய் / ஆரோக்கிய பாதிப்புகள் உண்டாக நிறைய வாய்ப்புகள் உண்டு.</p> <p style="text-align: center; "><img class="image-inline" src="https://static.vikaspedia.in/media_vikaspedia/ta/images/health/b86bb0b95bcdb95bbfbafb95bcd-b95bc1bb1bbfbaabcdbaabc1b95bb3bcd/liver.jpg" /></p> <h3>ஆரோக்கிய பாதிப்புகள்</h3> <p style="text-align: justify; ">இழைநார் வளர்ச்சி; கல்லீரல் உள்ளே கொழுப்பு; ஹெபடைடிஸ்; கல்லீரல் திசுக்களில் கோளாறு; புற்றுநோய்; வில்சனின் நோய்; ஆல்ஃபா 1 - அன்டிட்ரிப்சின்.</p> <h3>கல்லீரல் நோய்கள்</h3> <p style="text-align: justify; ">கல்லீரல்நோய் உண்டாக காரணியாக இருப்பவை, நச்சுக் கலந்த போதை பொருட்கள், ஹெபடைடிஸ், மதுசார்பற்ற கொழுப்பு கல்லீரல் நோய், பரம்பரை / மரபணு ரீதியான கல்லீரல் இயல்பு நிலை மாற்றம்.</p> <h3>கல்லீரலை சுத்தம் செய்வது எப்படி?</h3> <p style="text-align: justify; ">கல்லீரலை சுத்தம் செய்ய முதலில் நீங்கள் சோடா பானம், மது, கொழுப்பு உணவுகளை தவிர்க்க வேண்டும். மேலும், கீழ் குறிப்பிட்டிருக்கும் ஜூஸை குடித்து வந்தால் கல்லீரலை எளிமையாக சுத்தம் செய்ய முடியும்</p> <p style="text-align: justify; "><strong>தேவையான பொருட்கள்:</strong></p> <p style="text-align: justify; ">1.மீடியமான அளவு பீட்ரூட் ஒன்று;</p> <p style="text-align: justify; ">2.சிறிய அளவிலான கேரட் ஒன்று அல்லது இரண்டு;</p> <p style="text-align: justify; ">3.ஓர் பெரிய ஆப்பிள்; 4.ஒரு டம்ளர் தண்ணீர்.</p> <p style="text-align: justify; "><strong>செய்முறை:</strong></p> <p style="text-align: justify; ">முதலில் பீட்ரூட், கேரட், ஆப்பிள் மூன்றையும் நன்கு ஸ்மூத்தாக ஆகும் வரை ஜூசர் மிக்சரில் போட்டு அரைத்துக்கொள்ளவும். இதை தண்ணீர் கலக்காமலேயே நீங்கள் செய்யலாம். பிறகு உங்களுக்கு தேவையான அளவு தண்ணீர் சேர்த்துக் கொள்ளுங்கள்</p> <p style="text-align: justify; "><strong>உட்கொள்ளும் முறை:</strong></p> <p style="text-align: justify; ">இந்த ஜூஸை காலையில் வெறும் வயிற்றில் குடித்து வர வேண்டும். மேலும், இந்த ஜூஸை குடிப்பதற்கு முன்னர், ஒரு டேபிள்ஸ்பூன் ஆலிவ் ஆயிலில் அரைவாசி எலுமிச்சை பழத்தை பிழிந்து கலந்து குடிக்க வேண்டும்.</p> <h3>நன்மைகள்</h3> <p style="text-align: justify; ">தொடர்ந்து ஐந்து நாட்கள் இதை குடித்து வர உங்கள் கல்லீரலில் இருக்கும் நச்சுக்கள் அனைத்தும் வெளியேறி, உங்கள் கல்லீரல் நன்கு செயல்படும். இதனால், உங்கள் உடலில் இருக்கும் நச்சுக்களையும் வேகமாக வெளியேற்ற முடியும். உடல் புத்துணர்ச்சி அடையும்.</p> <p style="text-align: justify; ">ஆதாரம் - தமிழ் போல்ட்ஸ்கை</p> </div>