<div id="Middlecolumn_internal"> <h3 style="text-align: justify;">தேவையான பொருட்கள்</h3> <p style="text-align: justify;">கத்தரிக்காய், வெண்டைக்காய், குடமிளகாய் தலா 100 கிராம், ஃபார்மேஷன் சீஸ் 20 கிராம், மிளகு 10 கிராம், பூண்டு இரண்டு பல், ஆலிவ் ஆயில், துளசி சிறிது, உப்பு சுவைக்கு ஏற்ப.</p> <h3 style="text-align: justify;">செய்முறை</h3> <p style="text-align: justify;">குடமிளகாயை துண்டுகளாக நறுக்கி, ஓவன் அல்லது தோசைக்கல்லில் எண்ணெய் விடாமல் நன்கு சுட வேண்டும்.</p> <p style="text-align: justify;">பின்னர் அதன் தோலை நீக்கிவிட வேண்டும். பின்னர், இந்த சுட்ட குடமிளகாய், துளசி, ஆலிவ் எண்ணெய், மிளகு, தோல் நீக்கிய பூண்டு, உப்பு ஆகியவற்றை ஒன்றுசேர்த்து மிக்ஸியில் போ<span class="text_exposed_show">ட்டு மைய அரைக்க வேண்டும். </span></p> <p style="text-align: justify;"><span class="text_exposed_show">இது சாஸ் போன்ற கலவையாக இருக்கும். அடுத்தது, கத்தரிக்காயை மிக மெல்லியதாக வட்ட வடிவில் வெட்டிக்கொள்ள வேண்டும், இதற்கு ஏற்றார்போல வெண்டைக்காயை நீள்வாக்கில் வெட்டி அடுப்புத் தணலில் காட்டி சுட வேண்டும்.</span></p> <p style="text-align: justify;"><span class="text_exposed_show"> க்ரில் வசதி இருந்தால் அதில் போட்டும் சுட்டுக்கொள்ளலாம். கருகவிடாமல் பதமாக இதை சுட்டுக்கொள்ள வேண்டும். பின்னர் வெண்டைக்காய், கத்தரிக்காயை ஒவ்வொரு லேயராக அடுக்கி அதற்கு மேல் சீஸ் போட்டுக்கொள்ள வேண்டும். </span></p> <p style="text-align: justify;"><span class="text_exposed_show">இதன் மீது நாம் ஏற்கனவே செய்துவைத்துள்ள சாஸ் சேர்த்து சாப்பிட, சுவையாக இருக்கும்.</span></p> <h3 style="text-align: justify;">பலன்கள்</h3> <p style="text-align: justify;">சர்க்கரை நோயாளிகளுக்கு மிகவும் ஏற்றது வெண்டைக்காய். இதில் வைட்டமின் சி மற்றும் பி அதிகமாக உள்ளது.</p> <p style="text-align: justify;">இதை தொடர்ந்து சாப்பிட்டுவந்தால் சிறுநீரைப் பிரித்து, உடல் சூட்டைக் குறைக்கும்.</p> <p style="text-align: justify;">இதில் உள்ள பெகடின் என்ற நார்ச் சத்து, உடலில் உள்ள கெட்ட கொழுப்பைக் கரைக்கும்.</p> <p style="text-align: justify;">இதயத் துடிப்பைச் சீராக்கும் மெக்னீசியம் இதில் உள்ளது. கத்தரிக்காயில் அதிக அளவில் நார்ச் சத்து உள்ளதால், அது குடல் புற்றுநோய்க்கான வாய்ப்பைக் குறைக்கிறது.</p> <p style="text-align: justify;">உணவு செரிமானத்துக்கு உதவுகிறது. இதில் கெட்ட கொழுப்பு மற்றும் சோடியம் மிகக் குறைவாகவே உள்ளது. குடமிளகாயில் வைட்டமின் ஏ, சி மற்றும் பீட்டா கரோட்டின் நிறைவாக உள்ளது.</p> <p style="text-align: justify;">கொழுப்பு குறைவாக உள்ளது. இதுவும் சர்க்கரை நோயாளிகளுக்கு ஏற்றது. சீசில் அதிக அளவில் கால்சியம் உள்ளது. மேலும் வைட்டமின் 'டி'யும் இருப்பதால் கால்சியம் உறிஞ்சப்படுவது எளிதாகிறது.</p> </div>